Mark 13:9 - Angami Naga CL (Re-edited) Bible (BSI)

⁹ “Siro nieko rei nie kireiliecie; kekreilamonyü mia nieko tepie mechükehouko nu shütuo; mu sinagogko nunu nie vütuo; siro ahngko mu kediko mhodzünu zhapu chüshüketuo la nieko a la süko mhodzünu rei thatuo.

Mark 13:9 Iomraidhean Croise

Mathi 5:22

Derei a nieko ki pushütuo, nie kehoupuorei puo siezedzüriemia ngu puo nou meyie ro puo siazha ngulie sü zo, tsiu kehoupuorei puo siezedzüriemia kengashü ro, pehüko kehou nu siazha ngulie vi zo; mu mhanuü kehoupuorei mia ki, ‘No kenyamia zo’, iliro mizie nu siazha ngulie vi zo.

Mark 1:44

di sie, “No hau dze mia puo ki rei pu hiecie, derei no zievo-u ki vo di n mo pie puo pekieshücie, sidi mia bu silieketuo la, n chü kemesalieketa ruotho Mosa pupie kezhüko chüwaliecie,” si.

Mark 13:5

Sitse Jisu uko ki, “Miapuorei bu nie se zeta molieketuo la nie kirei terülie.

Mark 13:8

Kekreilamonyü seyie puoe seyie kekrei puo ze kegeituo, mu kedi puoe kedi puo ze keperhietuo; süki lukihaki kiükishütuo; pekrie vortuo. Hako nuonuovachü therieko zo.

Mark 6:11

Mhanuü thechü huo nu nieko ze mvüta mu nieko die rünyü mvüta ro nie sünunu lataketuo ki uko kepetsou zhapu la nie phi nu nyophe rei kepfhüwaliecie,” si.

LUK THUKESHÜ DIELIEKEVI 9:5

Siro kehourapuorei mia nie peso mvü ro, rüna sünunu tuo la kepra ki uko kepejo zasi nie phi geinu nyopheko rei kepfhüshüwalie,” sishü.

Johan 15:20

A nie ki, ‘Kituomia u niepumia ki zha mo,’ idi pukeshüu rükraliecie. Uko a pese ro, uko nieko sa pesetuo; uko a die zeya ro uko nieko die rei ze zotuo.

Johan 16:2

Mia sinagogko nunu nieko whuowatuo. Ketho zo, nie dukhrikecümia kehoupuorei ue Ukepenuopfü ki keshü lietho puo chü ba zo ükecü kele tei puo vortuo.

Mhakechüko 21:11

Puo hie ki vor di Paul chiephau chüpie puo phi puo dzie phalie di sie, “Kemesa Ruopfüe pucü, ‘Chiepha hau seyakezhau Jerusalem nunu Judako bu puo phalietuo, sidi puo khapie Judakemoko dzie nu shüwatuo,’ ” sita.

Mhakechüko 7:54

Mha hako sikeshü ki ukoe sie, Stefan gei u nou rüpe se di u hu thegeipie bata.

Mhakechüko 9:16

a a thuo puo bu a za la kedithede kemezhie morosuo shicü peteko thashü puo kietuo,” sita.

Filipiko 1:29

Kekreilamonyü puoe nie ngumezhie di nie bu Khrista pelekelie rübei monyü puo la kemezhie reilie kevi kekuo kha nie tsüwate,

Thesaloniako Kenieu 1:5

Haue Ukepenuopfü capi kechü ketho zo ücü thashü, mu nie Ukepenuopfü kedi themia chülie kesü chülieketuo la kemezhiekezha zo.

Johan Kenieu 1:8

Tseiphrei balie, silie ro we mhatho chülieketako pejüwalie lho, derei süko la nie zhakhra ngu tseilietuo.

Pesikeshü 1:9

A, Johan, nieko zeu mu Jisu geinu nieko ze mezhie kezakecüu nu mu kedi kechüu nu, shügeshühiekecü nu nie ze kepekroyakezhau, Ukepenuopfü dieu mu Jisu zhapu kechü la Patmos kijü rüchütsokemo nu ba.

Pesikeshü 2:10

Kemezhiekecü n gei phirtuoü kebako la michie hiecie. Harie, nie kedoketuo la terhuokesuou nieko huomia tepie kedieki nu shütuo, mu nieko bu zha ker kemezhietuo. Kesia ketso rei dietho tha zolie, sitse a kerhei tsüre khashü n tsütuo.

Pesikeshü 2:13

“A n kebachü si, süu Satan kedibau zo. Sishierei nieko a zau theze kemetei thalie, mu a zhapuu Antipas a gei dietho kethau, Satan kebachüu nu nieko donu puo kedukhri teiki zorei nie a gei nie kepeleu khawa mo.