Mark 13:6 - Angami Naga CL (Re-edited) Bible (BSI)

⁶ Mia kekra a za se vor di, ‘A süu zowe!’ idi mia kekra se zetatuo.

Mark 13:6 Iomraidhean Croise

Jeremia 14:14

Süla Jihova a ki: Siedzekesikoe a zanu ketijü siedze puya; A uko ketseshü mo, morei uko bu chünu uko ki pu mo, morei uko rüchü rei mo. Ukoe ketho kemo ziemho, kemeduo die, tsiu kethemou di mha seketsiketuo ketijü siedze puya.

Mathi 24:11

Siro siedzekesi ketijü kekra sier di themia kekra se ketsi zetatuo.

Mathi 24:5

Kekreilamonyü themia kekra a za se vor di, ‘A Khristau zowe!’ idi themia kekra se zetatuo.

Mark 13:22

Kekreilamonyü ketho kemo Khrista mu ketijü siedzekesiko sier di zasiko mu u ngoko chüpie mia pekie di chülie kevi sie kedakelieko rei setuo.

Mark 13:5

Sitse Jisu uko ki, “Miapuorei bu nie se zeta molieketuo la nie kirei terülie.

Mark 13:7

Siro nieko terhüko mu terhü kechü dze diekrie sishü ro, nie nou kehoukeruo chüta hiecie, hako chü molie lho, derei süu puotei thelau moluo.

Johan 5:43

A a Puou za se di vor zo, derei nieko a zelie mo, siürei mia puoe puo thuo puo za se di vor liro nieko puo zelietuo.

Johan 8:24

Süla a nieko nie kephouma nunu siataketuo pushüwate, süla nieko ae süu zo ükecü pelelie kemosie nieko nie kephouma nunu siata zotuo.”

Johan 8:28

Süla puo sie uko ki, “Nieko Themia Nuou pie kesie ki, a süu zokecü, mu a a thuo a medo nunu mhapuorei chüya mo, derei Puou a pethakeshü tuoi a süko se puya ükecü nieko silietuo,

Johan Kerieu 4:1

A khrieko, ruopfü kehoupuorei peleta hie, derei ruopfü süko Ukepenuopfü kinu vor mo mo shicü rie menuoliecie; ketijü siedzekesi kekra par kijüu gei tuotacü la.