Mark 13:11 - Angami Naga CL (Re-edited) Bible (BSI)

¹¹ Siro nieko merhashü ze dienyaki nu kevo ki nie kedipuo putuo shicü lepie nie nou kemezhie hiecie, derei puoteiu vor tse nie bu die punukeshüko pie pu zoliecie, kekreilamonyü nie puketuo dieko nie die monyü Kemesa Ruopfü kinu vortuo.

Mark 13:11 Iomraidhean Croise

Samuel Kenieu 23:2

Jihova Ruopfüu a geinu die pushü, puo die a meü nu tuo.

Isaya 50:4

Dieca puo pie mezieketau va perheikelie do silieketuo la, Niepuu Jihovae kepethamia meü pie a tsüshü. Teisoduü puoe a kesou, a nyie va perho di a bu pethalieketamia tuoi rünyülieketuo la.

Mathi 10:17

Themia süko gei we nieko kireilie; kekreilamonyü uko nie tepie khenu kehouko nu shütuo, mu uko sinagogko nunu nie vütuo.

Mark 13:12

Siezedzürie thuo huoniehuo teshüpie kesia nu shütuo, mu miapuonuoko rei u nuonuo gei sükemhie chütuo, tsiu mianuonuoko rei u krünuoko ngumvü di mia bu süko dukhrituo;

Mark 13:9

“Siro nieko rei nie kireiliecie; kekreilamonyü mia nieko tepie mechükehouko nu shütuo; mu sinagogko nunu nie vütuo; siro ahngko mu kediko mhodzünu zhapu chüshüketuo la nieko a la süko mhodzünu rei thatuo.

LUK THUKESHÜ DIELIEKEVI 21:12

“Derei mha hako chüketa mhodzü mia bu nieko telie di nie pechüpenyütuo, mia nieko tepie sinagogko nu tsiu kediekiko nu votuo, tsiu a za la mia bu nieko teze ahngko mu kediko mhodzünu votuo.

Johan 3:27

Sitse Johan sie, “Teigei nu khashü puo tsü kemosie miapuorei mhapuorei ngulie kenjü.

Mhakechüko 2:4

Uko pete Kemesa Ruopfüu u tshupfü di Ruopfüue tsükeshü mhiei die kekreiko nunu mha pu sieta.

Mhakechüko 3:13

Abraham, Isak mu Jakob-nuoko Kepenuopfü, morei u puonuoko Kepenuopfüu thuo zayie kechü kekuo pie puo kituou, Jisu gei shüshü, nieko puo khapie mia dzie nu shüwa, Pilat zowe, puo khashüwa nyü sie zo ürei nieko Pilat mhodzünu puo meliewa.

Mhakechüko 4:31

Sidi uko kecha chüshü tse, uko vo kehou kebachüu shü kenieta; süsie uko pete Kemesa Ruopfü u tshupfü tsiu thepfu di Ukepenuopfü die puta.

Mhakechüko 6:10

Sirei puo mhasi mu Ruopfü kekuo se di die kepu la uko puo meülie lhota.

Mhakechüko 6:15

Süki mechükehouu nu keba pete Stefan meho terüpfü ba ru puo zie teigeidieliemia zie tuoi parketa nguta.

Mhakechüko 7:55

Derei puo Kemesa Ruopfü bu puo tshupfü di teigei meho terü tha, süki Ukepenuopfü zayie mu Jisue puo zatsa ketha ngu.

Korintmiako Kerieu 2:13

Süla hie themia mhasi nunu pethapfükelie dieko monyü Ruopfüe pethakeshü dieko se di ruopfüu nyiketako ki ruopfü dze pu mia pethaya.

Efesako 3:5

Thiedzü phouko nu we keviepieketuo die kesou hau dze pie themia ki pu mo, tsie we puo Ruopfü geinu süu pie puo apostel kemesako mu siedzekesiko pesipengukeshü tuoi:

Jakob 1:5

Nie kehoupuorei mhasi jü ro, puo bu mephruomevuoi mu panya mo zo di pie mia tsüyakezhau Ukepenuopfü ki chaliecie.

Pitor Kerieu 1:12

Süki süko u thuo u la mo di nie la lietho chü vor zo ücü silie, süusü teigei nu ketsekeshü Kemesa Ruopfüu geinu tsie dieliekevi pethayakezhakoe nie ki puyakezha dieko geinu siliete, mha süko teigeidielieko rei ngu nyü phi vor zo.