Mark 11:25 - Angami Naga CL (Re-edited) Bible (BSI)

²⁵ “Siro nie kehoukipuorei chatuo üdi siethakelie ki, huomia gei nie nei kemo ba ro vashü tsüwaliecie, sitse nieko Puou rei nie kejokemouko vashü nie tsütuo.”

Mark 11:25 Iomraidhean Croise

Zekaria 3:1

Süsie Joshua phichükezhaue Jihova dielieu mhodzünu thakecü puo se a pengushü, mu Satan-e puo pejotuoü puo zatsa tha.

Mathi 5:23

Süla no mha se ruosuoba nu kevo ki n siezedzüriemia n gei kenyakecü die huo keba n sie lelie ro,

Mathi 6:12

Siro hie kejoko vashü hie tsücie, hie rei mia kejoko vapie mia tsükewa tuoi.

Mathi 6:5

“Siro nieko chakecü ki ketherakezhamia mhieta hie, süko we mia bu uko nguketuo la sinagogko nu mu cha tietshüko nu tha di chakecü u nei phiya. A nieko ki pu toushütuo, süko we u zhakhra nguliete.

LUK THUKESHÜ DIELIEKEVI 18:11

Siro Farisiu tha di kecha chü di sie, ‘Kepenuopfü, a themia kekreimia, mia vie sekecümia, miatho kemomia morei pieü kechümia morei khezhanuo kekhruo hau rei mhiekemo la a n tsheya.

LUK THUKESHÜ DIELIEKEVI 18:13

Derei khezhanuo kekhruou kepetse nu tha di tosie teigei rei meholie lho, tsiu puo merü kepfhü di sie, ‘Kepenuopfü, no kephoumau a ha rei ngumezhiecie,’ si tha.

LUK THUKESHÜ DIELIEKEVI 6:37

“Nieko mia kejo pfhü hie, siliro mia rei nie kejo pfhülie lho; nieko mia pejo hie, siliro mia rei nie pejolie lho. Nieko mia kejo vawalie, siliro mia rei nie kejo vapie nie tsütuo.

Efesako 4:32

Sidi huoniehuo gei tseiüvi, thenou mene mu Ukepenuopfüe Khrista geinu vapie nie tsüwaketa tuoi huoniehuo kejo va ketsülie.

Kolosiko 3:13

Nieko huoniehuo gei thenou shükhre ketsülie, mu huomianie huomia gei panyata üro, kejo vapie ketsücie; Niepuue nie kejo vakeshü tuoi, nieko rei huoniehuo kejo valie morosuo bei zo.

Jakob 2:13

Derei mia ngumezhieya kemomia we ngumezhie mo di puo nyie kecütuo, sirei ngukemezhie-e dienya nu kuolietuo.

Pesikeshü 11:4

Hanieha kijü Niepuu mhodzü thayakezha olivbonie mu mitunie zo.