Mark 10:18 - Angami Naga CL (Re-edited) Bible (BSI)

¹⁸ Sitse Jisu puo ki, “No kiüdi a ü keviu üya ga? Ukepenuopfü rübei sie miapuorei vi mo.

Mark 10:18 Iomraidhean Croise

Chieliko 119:68

Noe vi mu mha kevi chüya; no chünukecüko pie a pethashücie.

Chieliko 145:9

Jihovae mia pete gei viya, mu ngukemezhie pie puo mhatho pete mho ba.

Chieliko 86:5

He-i Jihova, no vi mu kejo vashüya, n kiekeshümia pete khrie phishüya.

Mathi 19:17

Sitse Jisu sie puo ki, “No kiüdi a ki mha keviu dze ketsoya ga? Keviu sü mia puo rübei zo. No kerhei nu le nyü liro, diekhakeshüko zeliecie.”

Mark 10:17

Siro puo tuo vozhü tse, mia puo ta vor di puo mhodzünu khoutoupfülie, di puo ki, “Kepetha keviu, a kechachie kerhei ngulieketuo la kedipuo chülie morosuo ga?” idi ketso.

Mark 10:19

No diekhakeshüko si ba: ‘No mia dukhri lho; no pieü chü lho; no mha rügu lho; no ketijü zhapu chü lho; no mia sekeda lho; n puo n zuo rhulie,’ icüko.”

LUK THUKESHÜ DIELIEKEVI 18:19

Sitse Jisu puo ki, “No kiüdi a üse keviu üya ga? Ukepenuopfü zo kemosie miapuorei kevi jü.

Rommiako 3:12

Pete cha vajowate, uko mhacümhatho mo phrete; themia mha kevi kechü jüte, puorei tuo mote.”

Jakob 1:17

Mephruomevuoi di khakeshü, mu vi tseikecü mhaphruoko pesogei kezieko Puou kinu ker phreya, puo zowe u khrü kemhiei rüdirüliya mo.

Johan Kerieu 4:16

Siro hie thuo si mu pelekecü sü Ukepenuopfü kekhrieu u la zo. Ukepenuopfüe kekhrieu zo, mu kehoupuorei kekhrieu nu bayakezhamia Ukepenuopfü nou baya, mu Ukepenuopfü rei puo nou baya.

Johan Kerieu 4:8

Mia khrieyakemomia Ukepenuopfü siya mo; kekreilamonyü Ukepenuopfüe kekhrieu zocü la.

Samuel Kerieu 2:2

“Jihova kemhie Kemesa kekrei tuo mo, n rübei sie kekrei jü; úko Kepenuopfü kemhie Tsiekrie kekrei tuo mo.