Mark 10:14 - Angami Naga CL (Re-edited) Bible (BSI)

¹⁴ Derei Jisu süu ngu di puo nei mota, sidi uko ki, “Nhicuko bu a ki vorliecie; uko kha hie, Ukepenuopfü kedi-e hamhiecüko vie zocü la.

Mark 10:14 Iomraidhean Croise

Keriekitho 17:7

A telhekechachie la avu mu n sie vorketuo n nuosenuoyieko la dietseidiekho puo chüshütuo, n nuosenuoyie mu n Kepenuopfü chülieketuo la.

Chieliko 78:4

Uko nuonuoko kinu we süko keviewalie lho; vorkezhü phouu ki pushütuo. Jihova zayie mhathoko, tsiu puo kekuo mu ungomhatho chükeshüko putuo.

Isaya 65:23

Ukoe kemethuo mezhie chülie lho, morei hieshie chütuo üdi nuo penuolie lho; ukoe uko nuonuoko sa di Jihova japie tsükeshü nuonuo chütuocü la.

Nuolhoutsüphrü 14:31

Derei nie nuonuo kecüko, niekoe mia bu uko telietuo üdi kepuko a uko ze vo nie meliekewa kijüu nu shüshü zotuo mu kijü süu ngulietuo.

Mathi 18:10

“Nieko kecü hako mia yopuorei pese molieketuo le terü zoliecie; kekreilamonyü a nieko ki pushütuo, teigei uko dielieko teigei kebau a Puou zie meho sei baya.

Mathi 18:4

Kehoupuorei puo chü kerünuopie nhicunuomia hayo mhiekelieu teigei kedi nu kezhatho-uwe.

Mathi 19:14

derei Jisu sie, “Nhicunuoko bu a ki vorlie, uko kha hiecie, kekreilamonyü teigei kedi haicüko vie zokecü la.”

Mathi 5:10

“Kemiatho la mia bu u peseyakezhako thejakepfütho, kekreilamonyü teigei kedi süko vie zokecü la.

Mathi 5:3

“Ruopfü kitsa ketsopfhüko thejakepfütho, kekreilamonyü teigei kedi süko vie zokecü la.

Mark 3:5

Sitse puoe puo nei mo di reipra lutsahatsa mia mehoshü; siro uko nou kere la puo nousuo di sie, themiau ki, “N dzie yhashücie.” Siru puoe puo dzie yhashü, mu puo dzie vilieta.

Mark 8:33

Derei puo rürei vo puoe pethakelieko meho, mu Pitor kerhie di sie, “No a sietsa votalie, Satan! Kekreilamonyü no n nou pie Ukepenuopfü gei monyü themia rüliko medoyakezha la!”

Johan 3:3

Jisu sie puo ki, “A n ki pu toushütuo, penuo kesa la kemosie miapuorei Ukepenuopfü kedi ngukelie jü.”

Johan 3:5

Jisu sie, “A n ki pu toushütuo, dzü mu Ruopfü nunu penuo la kemosie miapuorei Ukepenuopfü kedi nu lekelie jü zo.

Mhakechüko 2:39

Kekreilamonyü phrapie kezhüu nie mu nie nuonuo la, tsiu kepecie phi nu ketuoko pete la, siro Niepuu Ukepenuopfü puo thuo kiepie puo kitsa shülieketa pete la rei zo.”

Mhakechüko 3:25

Nieko siedzekesiko nuosenuoyieko mu Ukepenuopfü nie puonuoko ze dietseidiekho chükeliemia nuoyieko zo, sidi puoe Abraham ki, ‘Siro n nuosenuoyieko geinu kijü nu seyie pete bu thejapfütuo,’ sishü.

Rommiako 11:16

Mhanuü thoulha pie ruosuo kechü za puo pie puo si kerieu üdi khakeshüu mesata üro za kekrei pete rei mesata zo; mu seimieu mesata üro, puo coko rei mesata zo.

Rommiako 11:28

Nieko la, dieliekevitsa we uko Ukepenuopfü ngumvüko zo; derei ukoe uko puonuoko la kedakelietsa liro uko Ukepenuopfü khrieko zo;

Korintmiako Kerieu 14:20

A kezeko, nie mhale bu nhicunuomia tuoita hie, sirei mha kesuotsa zowe nuoranuomia mhielie, mu mha keletsa we phichümia chülie.

Korintmiako Kerieu 7:14

Kekreilamonyü pele kemo nupfuue puo kimiapfü la mesaliete, mu pelekemopfü rei puo nupfu la mesalieta zo. Si kemo we unie nuonuoko mesa motatuoweü, tsie we uko rei mesate.

Efesako 4:26

Nie nouyie bu nie chüpie kephouma chüta hie, nie nei mo ba niaki pele hie,

Pulakeshüzho 4:37

Puoe n puonuoko khrie di uko se uko yiemia kedalie, di puo thuo puo sa di puo kekuo kezha se di Ijipt nunu n ze parlie.

Timothi Kenieu 1:5

A n kepele kethotoukecü rei rükra ba, kepele süu thiedzü n tsapfü Lowi mu n zuo Ewoniki unie nou ketuo kepeleu, mu kepele süu n nou tuo toukecü a si ba.

Timothi Kenieu 3:15

mu no zowe n nhicu nunu kemesa kethodieko silie di süu thuo n pethapie n bu kepele nu Khrista Jisu geinu kepar kelakelieu ngulie kevi chülie.

Joshua 8:35

Joshuae Israel mechükehou thenumia rei nhicunuoko rei siro solhimia uko donu keba pete mhodzünu Mosae diekhakeshü pete phrüshü, mu dieca puorei phrüshü mota mo.

Pitor Kerieu 2:2

Sidi nuoranuomia mhie di ruopfü nudzü kemesau mengu siei zolie, süu geinu memie sie di kelakelie tsolieketuo la,

Pesikeshü 14:5

tsiu uko tie nunu ketijü puorei pu chie mo; ukoe pejolie kelhoko zo.

Samuel Kerieu 1:11

Tsiu Hanae Jihova ki rüse di sie, “He-i! krodiko Jihova, No n kituopfü mezhie rükrashü mu mehoshü, tsiu n kituopfü rükra mota mo, sidi thepfunuomia puo a tsüshü liro, a puo bu puo rhei chie, puo se ketso, Nazirmia chü di pie Jihova tsü lashü zotuo, puo bu zu morei kemelu vie puorei krielie lho zo. Mu tsüpfü pie puo tsü gei shülie lho zo.”

Samuel Kerieu 1:22

Derei Hana we kho mo, mu puo nupfu ki, “Unuoyo khowa kemochie a kholie lho, mu puo khowata ro, süze a puo ze kho Jihova mhodzünu shütuo, sidi puo rhei chie puo bu sünu batatuo.”