Mark 10:1 - Angami Naga CL (Re-edited) Bible (BSI)

¹ Puo sünunu tuo Judia kijü merhieko nu mu Jordan khie kekreitsa vota. Sitse mia krodi puo la vor puo houpfülie. Mu puo chü seiyakezha tuoi uko petha lashü.

Mark 10:1 Iomraidhean Croise

Pethakeshüu 12:9

Pethakeshüu mhasikecü rübei monyü, puoe tsie rei mha kesikele pie themia pethaya, uwe, puoe mha leshü sidi pfhüse parlie, di mhasidie kekra pfhü kesiesoshüte.

Jeremia 32:33

Ukoe uko chie kereipie a tsü, sidi uko zie kereishü mo; ae tsiekenuo uko petha vor zo, sirei ukoe rünyü mvü mu chü kemezhükeshü lielie mo.

Mathi 26:55

Sümeseki Jisu themia kroko üse, “Nieko a ü mia vie sekecümia puo tuoi zhiecha mu seideko pie di a tetuoü vorzhü te le? A teisonhie rüsuoki nu ba di mia petha baya zo, nieko süki a te mo ze.

Mathi 4:23

Süsie Jisu tuo Galil kijü pete nu vo di sinagogko nunu mia petha mu kedi dze dieliekevi pupie mia kie, sidi kechükenyü neiüko pete chü keshürhoshü.

Mark 1:21

Siro uko Kapernaum nu vorta; sidi sabat vorlie tse, puoe sinagog nu le di mia petha.

Mark 10:2

Süki Farisiko huo vor puo kedo mu ketso di sie, “Mia puo puo kimia vakewa thezho me?”

Mark 12:35

Siro Jisu rüsuokiu nunu mia petha ketha ki, puo sie, “Kiüdi thezhokepethako Khrista üse David nuou ücü pulietuo ga?

Mark 14:49

A teisonhie rüsuokiu nu nieko ze ba di mia petha baya ze, mu nieko süki we a te mo. Derei kethodieko bu tsei morosuo,” ishü.

Mark 2:13

Süsie puo tuo dzükezha khieki vozhü ru themia krodi puo puo ki vorlie; sitse puo uko pethashü.

Mark 4:2

Sitse puo dievi nunu mhaneiü se uko petha, mu puo uko pethakecü nu hakemhie pushü.

Mark 6:2

Mu sabat nhie puo sinagog nunu mia petha mu puo die kesi kheko u ngo phita. Sidi uko sie, “Kirapuo nu themia hau mha hako pete nguliete mu? Siro kha puo ketsü mha ha rei kikecüpuo ga? Kikidi puo dzie nunu mha kezha hikecü chülieya mu!

Mark 6:34

Siro Jisu dzükezha khie vozhü ru puo themia krodi ngu; sitse puo uko ngumezhieta, kekreilamonyü uko tekuo puo kepfhe kejü mhie tuokecü la; sidi puo mha kekra pupie uko pethashü.

Mark 6:6

Mu themiako mha pele kemvü la puo bu puo ngo phita. Süsie puo rühou rünako nu vo di mia petha.

Johan 10:40

Siro puo la sie Jordan rü lutsakhie Johan-e therieki dzülu pie mia ketsü thechüu nu vo di sünu bata.

Johan 11:7

Süsienu puoe pethakelieko ki, “Úko Judia nu la vo khe,” sita.

Johan 18:20

Jisu sie, “A mhotsou kijüu ki mha pu; a Judamia pete vor kenguyakezha sinagog nu mu rüsuokiu nu mia petha rei vor. A mhapuorei pekhre di pu mo.