Mark 1:32 - Angami Naga CL (Re-edited) Bible (BSI)

³² Süsie niaki leta tsiu thevatieta tse, mia kechükenyü mu terhuokesuo bu u kebi ze ketuo kekra ze Jisu ki vor.

Mark 1:32 Iomraidhean Croise

Mathi 4:24

Süki mia puo dze pu Siria kijü pete nu keza vota, süla mia kechükenyü neiü chü di kemezhie ketuo pete, terhuo kesuoko bu u kebi zetuoketako, terhuovüzieko mu rünyie tuoketako ze puo ki vor ru puo süko chü keshürhoshü.

Mathi 8:16

Siro sünhie thevatie mia terhuokesuoko bu u kebi ze tuoketa kekra ze Jisu ki vor, sitse puo die pushü di ruopfü süko whuowa, mu kechümiako pete chü keshürhoshü.

Mathi 8:17

Siro mha hau chükeshü geinu thiedzü siedzekesiu Isaya pukeshü, “Puo u kesuo kemezieko mu kechükenyüko toupfüliete,” isikeshüu chü tseilie.

Mark 1:21

Siro uko Kapernaum nu vorta; sidi sabat vorlie tse, puoe sinagog nu le di mia petha.

Mark 1:31

Sitse puo süpfü ki phi di puo dzie teshülie di puo phoushü. Ru puo rukiu lata mu puo sie uko lie chü merei bata.

Mark 3:2

Süki uko puo pejokecü le di sabat nhie puo themia süu chü keshürhoshütuo mo lho shicü meho terü ba.

LUK THUKESHÜ DIELIEKEVI 4:40

Siro niaki letazhü tse, themiako kechükenyü neiü nunu mhachü kebako ze puo ki vor; sitse puoe puo dzie yhapie süko mia puopuo gei rei shü di süko chü keshürhoshü.

LUK THUKESHÜ DIELIEKEVI 4:41

Süki terhuokesuoko kekra rei ruorüi di, “No Kepenuopfü Nuou zo,” isi di mia kekra geinu prata. Siro puo terhuokesuoko kekhawa di süko bu die pu mvüta, kekreilamonyü süko puo üse Khrista zo ükecü siketa la.