Keriekitho 1:1 - Angami Naga CL (Re-edited) Bible (BSI)

¹ Sietsenu Ukepenuopfüe tei mu kijüu chüshü.

Keriekitho 1:1 Iomraidhean Croise

Kediko Kenieu 19:15

Siro Hezekia Jihova mhodzünu kecha chü di, “He-i Jihova Israel Kepenuopfü, cherubnie mhogei di kebau noe Ukepenuopfü, n rübei zo, kijü nu kedirüvie pete mho kebau, noe tei mu kijü chüshü.

Seyiedze Kerieu 16:26

Themia rhuoko sü terhuorhi zocü la, derei Jihova teiko chüshü.

Seyiedze Kenieu 2:11

Sitse Tur nu kediu Huram leshü puo thupie Solomon die kelashü di sie, “Jihovae puo themiako khriekecü la n chüpie uko mho kedi chüshüte,” si.

Nehemia 9:6

Sitse Ezrae sie, “N rübei Jihova zo; noe tei chüshü, teiko mho teiu, sünu ketuo pete, kijüu mu sünu ketuo pete, dzükezhako, tsiu sünu ketuo pete chüshü, mu no süko pete se baya; tsiu teigei ketuo krodiko n rüsuoya.

JOB LESHÜDAU 26:13

Puo teikhrie se teiko chü kemesa mpouishü; puo dzie-e tinyhü rüyiekezhüu zephawa.

JOB LESHÜDAU 38:4

“A kijüu mvüdzeko dzekeshü ki no kirapuo tuo ga? No mhasimhale ba üliro, a ki pushücie.

JOB LESHÜDAU 9:8

Puo rübei teiko kelhashü, tsiu dzükezhako gei tuo voya.

Chieliko 102:25

Noe thiedzütho kijüu mvüdzeko seshüwate, mu teiko rei n dzie mhatho phre zo.

Chieliko 104:24

He-i Jihova, n mhathoko kra zalie! n mhasimhale nu no süko pete chüshü, kijüu n kinyi tshupfü ba.

Chieliko 104:30

No n ruopfü ketseshü ro uko chüürhilieya, sidi n kijüu zie chü kesa lashüya.

Chieliko 115:15

Tei mu kijü chükeshüu Jihova bu japie nie tsücie.

Chieliko 121:2

A kekhruo Jihova kinu vor, tei mu kijü chükeshüu.

Chieliko 124:8

Hie kekhruoe Jihova za gei ba, tei mu kijü chükeshüu.

Chieliko 134:3

Jihova bu Zion geinu jashü n tsücie, tei mu kijü chükeshüu.

Chieliko 136:5

puoe mhasi nunu teiko chükeshüu, puo kekhrie rüdirüli kemoe kechachie baya.

Chieliko 146:6

Tei mu kijü chükeshüu; dzükezha mu sünu keba peteko, kechachie ketho-u khapie bayakezhau.

Chieliko 33:6

Jihova die üse teiko chülie, mu puo thesüu pie sünu ketuo krodi pete chülie.

Chieliko 33:9

Puoe pushü, mu süu chülie ize ru, puo diekhashü ru, süu metei thata zo.

Chieliko 8:3

A n dziekinuo mhatho, teigei, khrüu mu themvüko mehokeshü ki;

Chieliko 8:4

themia ha kedipuo üdi no puo rüli medoya mu? Tsiu themianuo ha kedipuo üdi no puo dze leya mu?

Chieliko 90:2

Kijüthouko kesier mhodzü, morei kijüu chü kepar mhodzü, kechachie nunu kechachie ketso no sü Kepenuopfü zo.

Chieliko 96:5

Seyieko rhuoko we pete mirhi zocü la; derei Jihovae teiko chüshü.

Toukepra 20:11

Jihova zha sorouko nu tei mu kijü, dzükezha mu sünu keba pete chükelie la, sidi zha thenie nhie rüleilie; sidi Jihova japie sabat zhau gei shü mu süu se kemesalie.

Toukepra 31:18

Siro puoe Sinai kijüthou geinu puo ze kerüchü tseiwa tse dietseidiekho tsiekranie pie Mosa tsüshü, Ukepenuopfü dziekinuo se thukecü tsiekranie.

Mhasidie 16:4

Jihova mhachükeshü pete puoca nyi di chüshü, themia kerüzhüko zorei kemezhieketuo teisozha puo la.

Mhasidie 3:19

Jihovae puo mhasi se kijü chüshü; puo kesikele geinu teiko chülie;

Pethakeshüu 12:1

N khriesa zhako nu n pelhoukeshüu rükralie, teisozha kesuoko vorkecü mhodzü, tsiu teicieko penuo vorkecü mhodzü, noe sie, “A süko nu mha a kenei ba mo” iketa mhodzü;

Isaya 37:16

“He-i Krodiko Jihova, Israel Kepenuopfü, Cherubko mho kediba gei kebau, kijü nu kedi pete mho, n rübei Ukepenuopfü zo; noe tei mu kijü chüshüe.

Isaya 40:21

No si mo me? No rünyülie mo me? Therie nu nie ki pu mo me? Kijüu chülie tse nunu nie lelie mo me?

Isaya 40:26

Nieko mhipie kerükrie gei mehoshü phi: Supuo hako chüshü ga? Uko krodiko phrü di ze parkecüu uko za se uko pete kieyakecüu; kekreilamonyü puo kekuoe zha; puo kekuoe metei, puorei tso kemo jü.

Isaya 40:28

No si mo me? No rünyü mo me? Jihovae kechachie keba Ukepenuopfü kijü kelako rei chükeshüu. Puoe mezie morei puo nyietaya mo, puo noule-e pfhü ketsokeliepfü mo.

Isaya 42:5

Ukepenuopfü Jihovae puya, teiko chüshü di süko ciepetokeshüu, kijü kelhashü di sünu keparko chükeshüu, keha khapie sügei keba themiako tsü, mu ruopfü khapie sünu ketuoko tsüyakecüu:

Isaya 44:24

Jihova, n Rhakelieue, puya, nuobvü nunu n rhikeshüu: A sü Jihova zo, mha pete chükeshüu, puo rübei di teiko ciepetokeshüu, kijüu kelhakeshüu;

Isaya 45:18

Jihovae puya, teiko chükeshüu (puoe Kepenuopfü), kijüu rhishü mu chükeshüu (puoe süu chüpie kenhoukenyhashü mo, puoe themia bu balie kevi chüshü!) Ae Jihova, mu kekrei jü zo.

Isaya 51:13

No Jihova n chükeshüu, teiko kelhakeshüu mu kijü mvüdzeko dzekeshüu rükra mote. Noe mia neketekecüu mha pekatuoü kesie noupfhüu la zhate michie baya. Derei mia neketekecü noupfhüu kirapuo ba ga?

Isaya 51:16

A a dieko pie n tie nu shüwate, mu n pie a dzie khrüu nu kevieliete, teiko kelhashü, mu kijü mvüdzeko dzeshü, sidi Zion ki, “No sü a themia zo” ishü.

Isaya 65:17

Kekreilamonyü a tei kesako, mu kijü kesa puo chüshütuoü bate, thiedzü vieko rükra sa motatuo morei u sie lelie lho.

Jeremia 10:12

Puoe puo kekuo geinu kijüu chülie, puo mhasi geinu kijüu sedelie, mu puo kesikele geinu teiko kelha voshü.

Jeremia 32:17

He-i Niepuu Jihova! Noe n kekuo kezha geinu n bou yhashü di teiko mu kijü chüshüe! siro n la mhapuorei chülie kelho tuo mo.

Jeremia 51:15

Puoe puo kekuo üse kijü chüshü, puo mhasi üse chüshü, tsiu puo kesikele pie teiko mho shülie.

Zekaria 12:1

Die pukeshü puo. Jihova die Israel la pukeshü: Jihovae puya, teiko kelhakeshüu mu kijü mvüdzekeshüu tsiu themia gei kerheiro khakeshüu:

Mathi 11:25

Süteiki Jisu sie, “He-i, a Puo, tei mu kijü Niepuu, a n tsheya, kekreilamonyü no mhakesikeleko ki we mha hako keviepie tuo di pie nuoranuoko pesipengukeshü la.

Mark 13:19

Kekreilamonyü süki kemezhietuo, Ukepenuopfü kijüu chülie tse nunu vor tsie ketso kemezhiekecü süthede chü kemo mu thiesie mhakipuorei silie kelho chü vor zotuo.

Mhakechüko 14:15

“Kezeko, nieko kiüdi hau chüya ga? Hie rei nie kemhie themia ze, mu hienie nie bu mha kemethuo hako nunu rüreise rhei tuoyakezha Ukepenuopfü, tei, kijü, dzükezha mu sünu ketuo pete chükeshüu ki volieketuo la dieliekeviu se kevor zo.

Mhakechüko 17:24

Puo sü Ukepenuopfü, kijü mu sünu ketuo kheko chükeshüu, puoe tei mu kijü mho Niepuu zo, themia thuo chükelie rüsuokiko nu baya mo,

Mhakechüko 4:24

Siro uko süu sikeshü ki, uko pete keze puo chü u pfhephra peto di Ukepenuopfü ki, “Kekuotho Niepuu, tei mu kijü, dzükezha tsiu süko nu ketuo pete chükeshüu,

Rommiako 11:36

Kekreilamonyü puo kinu tsiu puo geinu mu puo lanu mha pete rei ketuo zo. Puo bu kechachie zayie chücie. Amen.

Korintmiako Kerieu 8:6

úko la zowe Ukepenuopfü, u Puou rübei zo, puo geinu mha pete par mu we rhei tuoyakezha zo, mu Niepu sü puo rübei, süu Jisu Khrista, puo geinu mha pete chülie mu we puo la rhei tuoyakezha zo.

Efesako 3:9

mu themia pete bu mha pete chükeshüu Ukepenuopfü thiedzü teicie kekra keviepieketuo mharhü kesouu kedipuo shicü silie kevi chüshüketuo la;

Ibriko 1:10

Sizomonyü, “No, Niepuu, sietsenu kijüu chüshü; mu teiko sü n dzie mhatho zo;

Ibriko 1:2

derei tsie thelatsa teiu nu we Nuou bu u rüchü tuote, puoe süu kedapie mha peteko kayieu chüshü, mu süu geinu tei kijü pete chükelie zo.

Ibriko 11:3

Kepele geinu tei kijü chükelie Ukepenuopfü die geinu zo ücü silie, sidi ngu kemoko geinu kengu vieko chüse parlie.

Ibriko 3:4

(Kekreilamonyü ki kehoupuorei puo chükeshümia puo nyi, derei mha pete chükeshüu sü Ukepenuopfü zo.)

Pitor Kenieu 3:5

Ukoe thiedzü Ukepenuopfü dieü teiko chü se parkelie, tsiu dzü nunu mu dzü üse kijüu chü parkelie le mvüte,

Johan Kerieu 1:1

Hie nie ki sietsenu ketuo kerhei dieu, hie thuo sikecüu, hie mhipie ngu, hie thuo meho mu hie dzie pie bie zokecüu dze puya,

Pesikeshü 10:6

Sidi kechachie mu kechachie rheituoyakezhau za se rüse, teigei siro sügei ketuo pete chükeshüu, kijü mu sünu ketuo pete chükeshüu tsiu dzükezha mu sünu ketuo pete chükeshüu; sidi “Ge sa balie lhote,

Pesikeshü 14:7

Puoe pheshie di, “Ukepenuopfü preilie mu zayie pie puo tsülie, themia nyie pepiketuo teiu vorketa la; tei mu kijü, dzükezha mu dzümhidzürüko chükeshüu rüsuolie,” isi.

Pesikeshü 21:6

Süsie puo a ki, “Süu chüwate! Ae Alfa mu Omega, Therieu mu Thelau. Kehoupuorei keterhüu, puoma chü mo di kerhei dzüluou nunu krielieketuo a methuo khashütuo.

Pesikeshü 22:13

Ae Alfa mu Omega, therieu mu thelau.”

Pesikeshü 3:14

“Thupie Laodikia nu kehou teigeidielieu ki keshü: Amen-u, dietho mu ketho zhapuu, Ukepenuopfü mhachükeshü bo-u kinu kevor dieko:

Pesikeshü 4:11

“Hie Niepuu mu hie Kepenuopfü, no sü zayie mu therhu tsiu kekuo lielie kesüu zo, no mha peteko chüshücü la, tsiu n medo la süko tuo mu chükelie zokecü la.”