Joshua 9:8 - Angami Naga CL (Re-edited) Bible (BSI)

⁸ Ukoe Joshua ki, “Hieko sü n kituomia zo,” ishü. Joshuae uko ki, “Nie suomia ga? Siro kirapuo nu vor ga?”

Joshua 9:8 Iomraidhean Croise

Kediko Kenieu 10:5

Süla kediki kemeho-u, mu nadiu nu kezhau tsiu phichüko mu nhicuko kemehoko rei sa, mia ketsepie Jehu ki shü di sie, “Hieko sü n kituomia zo; mu noe hie bu chünukeshü pete hie chü zotuo; hiekoe miapuorei bu kedi chü lho; n mhiki kiu vi shiü chüliecie.”

Pulakeshüzho 20:11

Siro ukoe kezekevi dieu lielietuoüta di kharu khrüshü n tsü ro, sünu keba themiako pete kemvü chüpie n lie chütuo, sidi uko n theketuo.

Joshua 10:6

Sitse Gibeonkoe dielie ketsepie Gilgal razhüchüu nu Joshua ki shü di, “N kituoko khawa hiecie, mhai khor di hie khruohicie, di hie kelaliecie! Kijüthou rüna nu keba Amormia kediko pete kezelie di hie perhie thate.”

Joshua 9:11

Süla hie phichüko tsiu hie kijü nu themia pete hie ki, ‘Nie rüve la nouva kesepfülie, di vo uko ze kesecie, tsiu uko ki, “Hieko sünie kituoko zo mu hie ze dietseidiekho puo chücie,” sishülie.’

Joshua 9:23

Süla nieko tsie rüsepfüte, nie themiako pete miadie chü di, a Kepenuopfü kiu la seikedumia mu dzükeümia chütuo,” sishü.

Joshua 9:25

Hie tsie we n kekuo nu bate, süla n mhodzüki viü mu mezhü ükecüu hie ze chüliecie.”

Joshua 9:27

Derei teiso sünhienu Joshuae uko bu miadiemia chüta, sidi uko bu mechükehouu mu Jihova ruosuobau la seikedumia mu dzükeümia chüta. Thie ketso rei, Jihova rüsuoketuo la kedakeshü thechüu nu ukoe uko mhatho chü tuoya zo.