Joshua 9:27 - Angami Naga CL (Re-edited) Bible (BSI)

²⁷ Derei teiso sünhienu Joshuae uko bu miadiemia chüta, sidi uko bu mechükehouu mu Jihova ruosuobau la seikedumia mu dzükeümia chüta. Thie ketso rei, Jihova rüsuoketuo la kedakeshü thechüu nu ukoe uko mhatho chü tuoya zo.

Joshua 9:27 Iomraidhean Croise

Seyiedze Kenieu 2:16

Hieko Lebanon nunu nie lie kenyü de kinyie dulie di dzükezha nunu se vo Jopa nu shü di nieko bu sünunu se Jerusalem nu volietuo,” sishü.

Nuolhoutsüphrü 31:28

Siro terhü nu kevo themiako yatsatie nu themia rei, thudo rei, gada rei, mu temvü rei, tekuo rei krie pengou nu puopuokecü pie Jihova tsücie.

Nuolhoutsüphrü 31:30

Tsiu Israelmiako vie tsatie, themia rei, thudo rei, gada rei mu temvü tekuo rei, khurinuo pete hiepengou gei puopuokecü no selie di pie Jihova rüsuokiu seyakezha Leviko tsüshücie.”

Nuolhoutsüphrü 31:47

Jihova diekhakeshü mhie Israelko yatsatie nu Mosae themia rei khunuo rei hiepengou geinu puopuokecü liepie Jihova rüsuopfheki mehoyakezha Leviko tsüshü.

Pulakeshüzho 12:11

siro Jihova nie Kepenuopfüe puo za bu sünu baketuo la thechü puo kedalietuo, sidi a nie ki pukeshü pete pie sünu vortuo nie kethe ruosuoko, nie ruothoko, nie ker-zapuoko mu nie keneisephra khakeshüko, mu nie Jihova ki phrakeshü la khakeshüko.

Pulakeshüzho 12:14

no seyie puo nunu Jihova kedashüketuo thechüu nunu kethe ruosuo khashütuo, mu a n ki diekhakeshü pete chütuo.

Pulakeshüzho 12:5

Derei Jihova nie Kepenuopfü nie seyie donu puo za khapie baketuo la mu puo kebachü chüketuo la kedakelieu, nie-e süu pfhütuo di no sünu vortuo;

Joshua 9:21

Siru krütakoe sie uko ki, “Uko thuo lhou balie, derei uko bu mechükehou pete la sei kedumia mu dzükeümia chütuo.”

Joshua 9:26

Süla puo uko gei hau chüshü, puoe uko kelalie mu Israelko bu uko dukhriwa molie.