Joshua 9:18 - Angami Naga CL (Re-edited) Bible (BSI)

¹⁸ Derei Israelko uko geilie suota, kekreilamonyü mechükehou krütakoe, Jihova, Israel Kepenuopfü za se di uko ki rüse shüwaketa la. Themiako pete u krütako gei mebe phreta.

Joshua 9:18 Iomraidhean Croise

Samuel Kenieu 21:7

Derei kediue Mefiboshet, Jonathan nuou, Saul tsuu peshashü, kekreilamonyü David mu Saul nuou Jonathan unie donu Jihova ki keshü rüse puo tuo.

Chieliko 15:4

puo mhi nu kerüzhümia rütseyakezhau; Jihova kepreimia rhuyakezhau: Kemezhie zo ürei phrakeshüu se balieyakezhau.

Pethakeshüu 5:2

Die pu rükri hie, mu Kepenuopfü mhodzü mha putuoü rükrita hie; Kepenuopfüe teigei bacü la, mu no we kijü ba, süla n die bu tsaliecie.

Pethakeshüu 5:6

N tie bu n chüpie phoumawa hie; tsiu no dielieu mhodzü, süu kekrüte; isi hiecie; kiüdi Kepenuopfü bu n pfhe n die la puo nei mo di n dzie mhatho pekawatuo ga?

Pethakeshüu 9:2

kemethuo zo, kekreilamonyü pete gei süu vorya, kemiathomia gei rei, tsiu kerüzhüu; kevimia mu kesuomia, kemesamia siro mesa kemomia, ruosuo kechüu tsiu ruosuo chü kemo-u gei rei vorya, themia keviu tuoi, kephoumau rei kemhie zo; mu rüsekecümia gei rei rüse preikecümia rei kemhie zo.

Nuolhoutsüphrü 30:3

Siro miapfü puoe rüüchü di puo puo kinu baluocü nu mhapuo chüshütuo üdi Jihova ki rüse puo rüseshü di puo phalieta,

Pulakeshüzho 23:22

Derei n die phrashü moro n kephouma jü.

Pulakeshüzho 23:23

N tie nunu pu phrakeshüu chüshü beituoükecü la menuotuo, kekreilamonyü noe n tie nunu phrakeshüu sü Jihova n Kepenuopfü ki phrashüta zo.

Pulakeshüzho 23:24

No n zanuou khubelie nu tsu ro, no khubesi cü kenyü de cülie vi, derei no puorei pie n viebou nu shülie lho.

Joshua 9:17

Süla Israelmiakoe tuoshü di zha se nhie themia süko lhou keba nadiko nu vorlie. Uko nadiko sü Gibeon, Kefira, Birot mu Kiriat-jearim.

Joshua 9:19

Derei krütako sie, mechükehou ki, “Hie Jihova, Israel Kepenuopfü za se di uko ki rüseshüwate, süla we tsie uko pechülie kenjüte.