Joshua 9:14 - Angami Naga CL (Re-edited) Bible (BSI)

¹⁴ Sitse krütakoe uko ze uko nouva cülie, derei Jihova medo rüsa mota.

Joshua 9:14 Iomraidhean Croise

Samuel Kenieu 2:1

Süsie David-e Jihova ketso la di sie, “A bu Juda nadiko kehoupuo nu rei kholie vi mo mo ga?” Sitse Jihova sie, “Kholiecie,” si. Siro David la sie, “Kiu nu a bu votuo ga?” Sitse puo sie, “Hebron nu kholie,” sishü.

Samuel Kenieu 5:19

Sitse David Jihova ketso di sie, “A bu Filistinko perhieketuo la khotuo me? No uko khapie a dzie nu shüwatuo me?” Sitse Jihova sie puo ki, “Khocie, kekreilamonyü a Filistinko khapie n dzie nu shü touwa zotuo.”

Ezra 8:21

Siro ae Ahava rüu kinu mevolienu di pushü, hie bu Ukepenuopfü mhodzünu u thuo u chü kerünuolie di u la, u nuonuo la siro u kinyi pete la cha nu hie rüguolieketuo pfhüketuo la.

Toukepra 28:30

Siro capi la merükewheu nu Urim-u mu Thumim-u khashütuo, di Aron-e Jihova mhodzünu kele ki sünie bu Aron melou gei zhatuo; sidi Aron-e Jihova mhodzünu Israelko capiu pie puo melou gei zha seituo.

Nuolhoutsüphrü 27:21

Sidi puo bu Eliazar zievo-u mhodzünu thalie, di Eliazar bu puo la Urim ketsokecü zho-u se Jihova ki ketsocie; puo mu Israelko pete puo sa di süusü mechükehou pete puo die nunu pra mu letuo.”

Jakob 1:5

Nie kehoupuorei mhasi jü ro, puo bu mephruomevuoi mu panya mo zo di pie mia tsüyakezhau Ukepenuopfü ki chaliecie.

Joshua 9:13

Hie chüzhüsü hako puo ketshu chü mu kesa ze, harie rürha phrete, mu hie pfhenei tsiu hie phikouko cha cha phikecü la puokra chü phrete.”

Capiko 1:1

Joshua siaketa sie, Israelkoe Jihova ketso di, “Hieko la supuonie rie kho di Kananko ze kegeituo ga?”

Capiko 20:18

Israelkoe Bethel nu kholie di Ukepenuopfü medo rüsa di sie, “Benjamin nuoko ze kegeiketuo la hieko thinuo kiu bu kho rietuo ga?” Sitse Jihovae, “Juda yieko bu kho rietuo,” sishü.

Capiko 20:28

mu Aron nuou Eliazar nuo Finehas süki tha di lietho chüya), ukoe sie, “Hieko bu kho hie siezedzürie Benjaminko ze keperhie latuo mo lho ga?” Sitse Jihovae sie, “Nieko kholie, sodu we a uko khapie nieko dzie nu shüwatuocü la.”

Samuel Kerieu 22:10

puoe puo la Jihova ki mha ketso, kecükekrie pie puo tsü, mu Filistin-u Goliat zhiechau pie puo tsüshü.”