Joshua 9:10 - Angami Naga CL (Re-edited) Bible (BSI)

¹⁰ tsiu puoe Jordan niathutsa keba Amor kedinie, Heshbon Kediu Sihon mu Bashan Kediu Og, Ashtarot nu kebau gei chükeshü pete siwate.

Joshua 9:10 Iomraidhean Croise

Keriekitho 14:5

Cie keredia cie Kedorlaomer-e puo keze kedi kekreiko ze vor Ashterot-karnaim nu Refako, Ham nu Zuziko, Shave-kiriathaim nu Emimko,

Seyiedze Kerieu 6:71

Manasseh yiemia ketoupuo geinu pie Gershommiako ketsüko: Bashan nu Golan mu puo kirituoko tsiu Ashtarot mu puo kirituoko sa;

Nuolhoutsüphrü 20:14

Mosae Kadesh nunu dieliemia ketsepie Edom kediu ki shü di, “N siezeu Israel-e puya: Noe hie mezhieko pete si ba:

Pulakeshüzho 1:4

Puoe Heshbon nu keba Amorko kediu Sihon siro Ashtarot mu Edrei nu keba Bashan kediu Og penyükewa sie.

Pulakeshüzho 2:30

Derei Heshbon kediu Sihon-e uko bu puo kijü pfüthe vo mvüta; Jihova n Kepenuopfüe thie ha tuoi, puo pie n dzie nu shüwakecü le di puo nou chü perewa mu puo melou chü pekhrükewa la.

Joshua 12:4

siro ukoe Bashan Kediu Og rei penyüwa, puoe Refaimmia lhiekelieko puo, puoe Ashtarot mu Edrei nu kedi chü baya,

Joshua 13:31

Siro Gilid ketou puo, siro Ashtarot mu Edrei, Bashan nu Og kedirüvie nadiko; hako pie uko puotsanuo le di Manasseh nuo Makir tsü, Makirmiako ketoupuo la.

Joshua 2:10

Kekreilamonyü nie-e Ijipt nu ta kepar ki kimhie di Jihova nie la Kemerie Dzükezhau chü pesoshü shikecü, mu nie kimhie di Jordan niathutsa keba Amorko kedi, Sihon mu Og unie peka lotsowa shikecü rei hie sishüte.

Joshua 2:9

“Jihovae kijü hau pie nie tsüwaketa a si bata zo. Siro nie kepreie hie gei bate, mu kijü hau nu kelhou pete nnie la michie kemerie chü bate.

Joshua 9:11

Süla hie phichüko tsiu hie kijü nu themia pete hie ki, ‘Nie rüve la nouva kesepfülie, di vo uko ze kesecie, tsiu uko ki, “Hieko sünie kituoko zo mu hie ze dietseidiekho puo chücie,” sishülie.’

Joshua 9:9

Sitse ukoe puo ki, “N kituoko thechü kepecie phi nunu vorlie, kekreilamonyü hieko Jihova n Kepenuopfü dze sishü, sizomonyü puoe Ijipt nu mhachükeshü pete sishüte,