Joshua 9:1 - Angami Naga CL (Re-edited) Bible (BSI)

¹ Jordan khie kekreitsa kijüthouu gei rei, razhau nu rei mu Dzükezhau khie pete Lebanon ketso bakecü kediko, Hitko, Amorko, Kananko, Perizko, Hivko mu Jebuskoe Israelmia kuokelie dze sishü tse,

Joshua 9:1 Iomraidhean Croise

Samuel Kenieu 24:7

sidi Tur badiko nu vorlie mu Hitmia mu Kanan nadiko pete nu vorlie, sidi uko Beersheba nu Juda nu Negeb ketso vo.

Toukepra 23:23

A dielieu nie mhodzü rie di, n ze Amorko, Hitko, Perizko mu Kananko, Hivko, mu Jebusko ki voshü tse, a uko bie pejüwatuo,

Toukepra 23:31

Mu ae Kemerie Dzükezha nunu Filistinko dzükezha ketso, mu rayha nunu vo Eufrat ketso pie n kijü rie chütuo; ae rünau nu kelhouko khapie n dzie nu shüwatuo, mu nie mhodzü nunu uko whuowatuo.

Toukepra 3:17

Mu ae kemezhiekecü Ijipt nunu nieko ze parshütuoü a die phrashü, sidi nieko ze Kanan kijü nu, Hitko, Amorko, Perizko, Hivko mu Jebusko kijü mithunudzü mu mepfhidzü krukezhü nu nieko ze voshütuoü shü,’

Toukepra 34:11

A thie n ki diekhakeshüu zeliecie. Harie, a n mhodzünu Amorko, Kananko, Hitko, Perizko, Hivko mu Jebusko whuowatuo.

Nuolhoutsüphrü 13:29

Negeb kijütsa Amalekmia lhou ba; mu kijüthou rünako nu Hitmia, Jebusmia mu Ammonmia lhou ba; siro dzükezha khie mu Jordan rü merhieko nu Kananmia lhou ba.”

Nuolhoutsüphrü 34:6

Siro niakratsa rieu liro, Dzükezhatho-u mu puo rieko tuo, hau pie nie niakratsa rieu chütuo.

Pulakeshüzho 1:7

Sielie di tuo Amorko kijüthou rüna nu mu Araba nu uko zanuo pete, kijüthou rüna shierei, kijü razha nu shierei, mu Negeb nu tsiu dzükezha khie keba Kananko kijü nu mu Lebanon, kerü kezhau Eufrat rü ketso volie.

Pulakeshüzho 3:25

A n ki chaya, a bu pra di Jordan khie lutsa kijü keviu kijüthou rüna keziviu, mu Lebanon ngushücümu.”

Pulakeshüzho 4:49

mu Jordan tsekepra niathutsatie Araba, Pisga tsiekhie khro Araba Dzükezha ketso.

Pulakeshüzho 7:1

Jihova n Kepenuopfüe n bu pevielietuo üdi lekezhü kijüu nu n ze vorshü di n mhodzünu seyie kekra, Hitko, Girgashko, Amorko, Kananko, Perizko, Hivko, Jebusko, n ki zhakuo mu kuokuokecü seyie thenieko whuo kemesashü di,

Joshua 1:15

nie-e Jihova nie Kepenuopfüe khapie uko ketsüu pevielie kemochie tuo zo votuo. Sidi puoe khrukhrekecü tei khapie Israel seyieko tsüshüta ro, süze nie-e Jihova kituou, Mosae kha nie ketsü Jordan niathutsa nie kijü haki la vor lhoulietuo.”

Joshua 1:4

Nie kijü rieko liro rayhachüu nunu vo Lebanon tsiu kerü kezhau Eufrat rüu tsotuo; mu Hitko kijü pete nunu tsu niakratsa Dzükezhatho-u ketso nie rüvie chütuo.

Joshua 10:23

Ru ukoe tsiepfüu hieshü, di sünunu kedi pengouko Jerusalem, Hebron, Jarmut, Lakish mu Eglon kediko ze puo ki vor.

Joshua 11:17

Sidi Halak Kijüthou, rükrie se Seirtsa sieketa kinu Lebanon razha nu Balgad ketso, Hermon Kijüthou khro nu puoe uko kediko te phrelie di uko dukhriwa.

Joshua 13:5

tsiu Gebalko kijü pete; mu niathutsatie Lebanon pete, Hermon Kijüthou pekhrotsa keba Balgad nunu Lebo-hamat kharu ketso.

Joshua 15:12

Siro hau pie niakratsa therieu Mediteranian mu puo khie kemerhieko pie chü. Sidi Juda themiako, puotsanuo puopuo le di chükeshü rie hau nu lhou.

Joshua 22:4

Siro puo die phrakeshü mhie, Jihova nie Kepenuopfü kerülei pie nie siezedzürieko tsüshüte, süla tsie Jihova kituou Mosae se nie ketsü kijü, Jordan niathutsa, nie ra, nie ki nu la volie.

Joshua 22:7

Siro Manasseh yie tietsapuo la Mosae Bashan khashü uko bu uko vie chü, derei Joshuae kekreitsa la Jordan niakratsa uko siezedzürieko donu uko ya khashü. Tsiu Joshuae uko ketsepie uko kinu keshü ki japie uko tsü

Joshua 23:4

Mha hako rükraliecie, seyie keshako pie nie kayie vie chütuo üdi a thuo kezapie nie tsüwate, siro ae penyükelie seyieko sa di niathutsa Jordan nunu niakratsa Dzükezhatho-u ketso khashüwate.

Joshua 24:11

Siro niekoe Jordan ciese Jeriko nu vorlie, Jeriko themiako nie ze kegei; sütuoi Amorko, Perizko, Kananko, Hitko, Girgashko, Hivko; mu Jebusko rei nie ze kegei; derei a süko pete khapie nie dzie nu shüshü.

Joshua 3:10

Joshua sie, “Nieko hanunu rhei tuoyakezha Ukepenuopfü nieko donu ba ücü mu nieko mhodzü nunu Kananko, Hitko, Hivko, Perizko, Girgashko, Amorko mu Jebusko whuo touwa zotuocü silietuo.

Joshua 3:17

Tsiu Israelko kerü keso nu phikezhü ki Jihova dietseidiekhobouu kepiekoe Jordan metsuo keso nu tha di themiako bu pra tseilie kemochie metei thalie.

Joshua 5:1

Jordan niakratsa keba Amor kediko pete mu dzükezha khie keba Kanan kediko pete Jihovae Jordan chü pesoshü di Israelko bu cie pralie ükecü dze sishü. Sitse ukoe Israelko la u melou suo mu michie phi bata.

Joshua 6:27

Siro Jihovae Joshua ze tuolie; mu rüna pete nu puo za pu kemeyie phi vota.

Joshua 9:7

Derei Israelmiakoe Hivko ki; “Kiüdi nieko ze dietseidiekho puo chülietuo dimu? nieko haki kepenuoki lhou baya rei si moe,” sishü.