Joshua 8:33 - Angami Naga CL (Re-edited) Bible (BSI)

³³ Siro Israelko pete, phichüko, kezhako, capimiako tsiu khenumia mu solhimiako rei sa ze di Jihova dietseidiekhobouu khie lutsa mu süu kepie Levimia zievoko mhodzünu vo tha phrelie, ketou puo Gezirim Kijüthou phi nu mu ketoupuo Ebal Kijüthou phi nu idi thalie, Jihova kituou Mosae hamhodzü uko bu theja lieketuo ki sümhie di chülienukecü die khapie kezhü la.

Joshua 8:33 Iomraidhean Croise

Toukepra 12:49

Khenu kelhoumia mu solhimia nie donu kelhoumia la thezho puo zotuo.”

Levimiako 24:22

Nie-e solhimia la mu khenu kelhouu la thezho puo setuo: Ae Jihova nie Kepenuopfü zocü la.

Nuolhoutsüphrü 15:15

Kehouu nu zowe nieko mu solhimia nieko ze lhouketuomia la rei thezho puo zotuo, phou pete nu mu kechachie zho puo, phou pete nu chazoumia rei Jihova mhodzünu nieko mhie zo.

Nuolhoutsüphrü 15:16

Nieko mu solhimia la rei nie ze lhouketuomia la rei thezho puo mu pethokeshüzho puo zotuo.

Nuolhoutsüphrü 15:29

Israelko donu khenu kelhoumia shierei morei chazoumia nie donu lhouketuomia shierei si mo di kekrükewa la thezho puo zotuo.

Johan 4:20

Thiedzü hie puonuoko kijüthou hau geinu Kepenuopfü rüsuo vor, derei niekoe themia bu rüsuoketuo chüu sü Jerusalem zo üdi puya.”

Pulakeshüzho 11:29

Tsiu Jihova n Kepenuopfüe n ze, no le pevielietuoükezhü kijüu nu vorshü ro, noe thejau pie Gerizim Kijüthou gei shütuo mu rüseu pie Ebal Kijüthou gei shütuo.

Pulakeshüzho 31:12

themiako kie kengulie, thepfuko mu thenuko, nhicuko mu n ra keba solhimiako, uko bu rünyülie di Jihova dieko pete menuo di chüüzelieketuo la.

Pulakeshüzho 31:25

Mosae Jihova dietseidiekhobou kepie Leviko ki pu di sie,

Pulakeshüzho 31:9

Mosae thezho hau thulie di khapie Jihova dietseidiekhobouu kepie Levimia zievoko mu Israel phichüko pete tsüshü.

Joshua 23:2

Süla puoe Israel pete nu phichüko, krütako, capiko, tsiu kezhamiako kieshü di uko ki, “A tsie we tsate mu a kelhouzha rei kho phite;

Joshua 24:1

Sitse Joshuae Israel seyie pete pfhü kengu ze vo Shekem nu shülie, di Israel phichüko, krütako, capiko mu kezhamiako kieshü ru ukoe Kepenuopfü mhodzünu vorlie.

Joshua 3:14

Sidi themiako Jordan cie praketuo la razhüchüu nunu tuo sedeshü mu dietseidiekhobouu kepie zievokoe themiako mhodzü tuoshü.

Joshua 3:3

mu themiako ki sie, “Levi zievokoe Jihova nie Kepenuopfü dietseidiekhobouu pie kevor ngu tse, nie kebachüko nunu tuoshülie. Sidi süu medzilie.

Joshua 3:6

Süsie Joshua zievoko ki “Dietseidiekhobouu toupielie di themiako mhodzü tuoshülie.” Süla ukoe dietseidiekhobouu pielie di themiako mhodzü tuoshü.

Joshua 4:10

Jihovae themiako bu chünu di Joshua ki diekhakeshüko chü tseiwa kemochie zievokoe Jordan rüu metsuo nu tha zo, sidi Mosae Joshua ki pupie ketuo dieko chü tseilie, mu themiako bu rükri kerüu cie prata.

Joshua 4:18

Ru zievokoe dietseidiekhobouu pie di Jordan rüu metsuo nunu par kijü keso pralie tse, thiedzü tuoi Jordan dzü kru puothau nu la vorta di puokhie pete vulie.

Joshua 6:6

Sitse Nun nuou Joshuae zievoko kieshü di uko ki, “Dietseidiekhobouu pielie, mu nieko mia thenie tekuo kia ketsüko pie di süu mhodzünu tuoshülie.”