Joshua 8:31 - Angami Naga CL (Re-edited) Bible (BSI)

³¹ puoe Jihova kituou Mosae Israelko ki kepu tuoi chüshü, süu Mosa zho nu pukecü “Ketsie phro kemo, miapuorei theginya pie kou chie kemo ketsie pie ruosuoba kechü,” idi thupie keba tuoi. Sügeinu ukoe kethe ruosuo chüpie Jihova ki shü, mu vitho ruosuo rei khashü.

Joshua 8:31 Iomraidhean Croise

Kediko Kenieu 14:6

Derei kedukhrimia nuonuoko we dukhriwa mo; Mosa thezho leshüda nu thupie ketuo tuoi, sünu Jihova diekhakeshü hamhie, “U nuonuoko la u puonuo bu sialie lho, morei u puonuo la u nuonuo bu sialie lho; derei themia kehoupuorei u thuo u kephouma la siatuo,” si.

Kediko Kenieu 22:8

Sitse Hilkia zievokezhatho-ue sie kethuu Shafan ki, “A Jihova kiu nu thezho leshüdau nguliete,” si. Sitse Hilkiae leshüdau pie Shafan tsüshü ru puoe süu phrüshü.

Seyiedze Kenieu 25:4

Derei puo süko nuonuoko we dukhri mo, Mosa leshüda nu, Jihova diekhakeshü thezho nu thupie ketuo tuoi, “U nuonuo la u krünuo dukhrilie lho, morei u krünuo la u nuonuo dukhrilie lho; derei kehoupuorei puo thuo puo kephouma la siasiatuo.”

Seyiedze Kenieu 35:12

Siro uko Mosa leshüdau nu thupie ketuo tuoi, u puonuo kikru le di keza se keba themia kroko ya keza voketuo la kethe ruosuo chüketuoko kha kreipie balie. Thudoko rei se sükemhie chüshülie.

Ezra 6:18

Tsiu ukoe Mosa leshüdau nu thupie kezhü medzi di zievoko khapie u thuo u thau nu shüwa, mu Leviko u thuo u thau nu shüwa, süu Jerusalem nu Ukepenuopfü mhatho chüketuo la.

Nehemia 13:1

Sünhie uko themiako mhodzü nunu Mosa leshüdau phrü; mu Ammonmia morei Moabmia Ukepenuopfü kehou nu vor suo zo ükecü thupie kezhü ngulie;

Toukepra 18:12

Sitse Mosa meiu Jethroe kethe ruosuo puo mu ruotho chüpie Ukepenuopfü tsü; siro Aron-e Israelmia phichü pete ze vo Ukepenuopfü mhodzünu Mosa meiu ze niekhrüda cü.

Toukepra 24:5

Siro puoe Israelmiako donu khriesamia kerekenie ketseshü di uko bu kethe ruosuo khashü mu thudo vitho ruosuo chüpie Jihova ki shü.

Mathi 12:26

Siro Satan thuo Satan whuota ro, puo thuo puo pfüphrote, siliro kikidi puo kedi thalie ta?

Pulakeshüzho 27:2

Siro nie-e Jordan cie se Jihova n Kepenuopfüe se n ketsü kijüu nu prakelie nhie, no ketsie kezhazhakecü pfhelie, di puo kenyhü pie nyhülietuo;

Pulakeshüzho 27:8

Tsiu noe ketsieko gei thezho hau dieko pete thu kemesa seshütuo.

Joshua 1:8

Thezho leshüdau bu n tie tseta hie. Süu tezeiteiso phrü mu le medo ba zolie tsiu sünu thupie ketuo pete chüüze tsei zolie. Silie liro no vikehielietuo mu n mhatho chü khrielietuo.