Joshua 8:22 - Angami Naga CL (Re-edited) Bible (BSI)

²² Sizomonyü nadiu nu keba Israelko rei rüyachüu nu kelie. Süla Israelko bu uko hou toupfülie, huomia lutsa mu huomia hatsa idi uko pete gei zo vowa, süla uko miapuorei rheilie morei talie mo.

Joshua 8:22 Iomraidhean Croise

JOB LESHÜDAU 20:5

Süusü kerüzhümia kuokeba puotei huoyo la zo, tsiu u kepele kejümia keneiu dopuoki la zokecü si mo zo me?

Pulakeshüzho 7:2

uko pie n tsüshü di no uko penyüwa ro, no uko peka tseiwatuo. No uko ze dietseidiekho puorei chü lho, mu yopuorei uko ngumezhieshü lho.

Thesaloniako Kerieu 5:3

Siro mia sie, “Kezekevi mu khrukhrekecü ba” ikesie ki thenumia nuonuovachü le mo keba nu mhai di vorkezha tuoi keka uko gei vortuo, mu uko talie kenjütatuo!

Joshua 10:28

Sünhie teiso nu Joshuae zhiecha pie Makeda tsiu puo kediu pekawa; puoe sünu themia pete dukhriwa, mu mia yopuorei lhieshü mo. Sidi Jeriko kediu gei chükeshü tuoi Makeda kediu gei rei chüshü.

Joshua 6:21

Siro uko zhiecha se nadiu nu mha pete peka lotsowa, thepfumia rei thenumia rei, phichünhicu mu sizomonyü mithu, tekuo, siro gada rei pete dukhriwa.

Joshua 8:21

Siro kekreikoe nadiu lielie tsiu thewa, mu mi khukesie Joshua tsiu Israelkoe süu ngushü tse, ukoe rürei la vor Ai themiako gei sedevü.

Joshua 8:23

Derei Ai kediu zowe perhei telie di puo ze Joshua mhodzünu vor.

Joshua 8:8

Mu nie-e nadiu liekelie sie, Jihova pukeshü tuoi mi pie nadiu thewatuo. Harie, a nie ki die khashüte ho,”