Joshua 8:2 - Angami Naga CL (Re-edited) Bible (BSI)

² Noe Jeriko mu puo kediu gei chükeshü tuoi Ai tsiu puo kediu gei rei chüshütuo; derei tsieu va we terhü mhavako mu puo kicükiriko se n vie chülie vi. Pekhre vo di nadiu sietsa nu peprielieketuo dojülie.”

Joshua 8:2 Iomraidhean Croise

Seyiedze Kenieu 13:13

Siro Jeroboam-e mia kro puo bu uko sietsanu rüshü ler uko vapielieketuo la ketseshü, sütuoi puo chüpahiko Juda mhodzü tha, mu rüshüketuo kro-u uko sietsa tha.

Seyiedze Kenieu 20:22

Sidi uko keli mu ketshe chüvü tse Jihova huomia bu rüshü vo Ammon, Moab mu Seir Kijüthou gei themiako, Juda petsou vorkezhüko chadze ba di uko bie tseiwa.

Chieliko 39:6

Ketho, themia ha mhakhrü puo kemhie zo; uko kemethuo puo nu meyhumezhie tuoya zo, puo kinyi pfhepie ba, sirei supuoe süko pielietie shi siya mo.

Mhasidie 13:22

Kevimiae puo nuosenuoyie la rei kayie khapie tuoya, derei kephoumamia kinyi-e kemiathomia la kengupie keba zo.

Mhasidie 28:20

Kemiathomia theja kekra ngulietuo, derei mhanyi mhailie nyü kebamia siazha ngu motalie lho.

Jeremia 17:11

Peüpfüe puo thuo pedzü shü kemo puo be keba tuoi, sütuoi mezhü kemo nunu kinyi ngukelie pete sümhie zo; puo kelhou theweluo ki süko puo khawatuo, sidi süko thelanu ukoe kemelomia ücü thashütuo.

Jeremia 51:12

Babilon dahouko perhietuoü puo pfhelha pesieshülie; rükhouko chü kemeteishülie; rükhoumia bu rüshü uko perhietuoü dojülie; kekreilamonyü Jihovae Babilon nu kelhouko gei chüshüketuo rhülie mu chü phreshüte.

Pulakeshüzho 2:35

We periko mu nadi penyükelieko mu mha vakelieko rübei pie u thuo u vie chü.

Pulakeshüzho 20:14

Derei thenuko, kecünuoko, kiriko tsiu nadiu nu keba mha pete, mu terhü mhava pete no liepie n vie chülietuo, sidi n ngumvümia vie vakelieko, Jihova n Kepenuopfü se n ketsüko n thuo n la setuo.

Pulakeshüzho 3:2

Derei Jihovae a ki, “Puo prei hie, ae puo mu puo themia pete tsiu puo kijü khapie n dzie nu shüwate mu noe puo gei rei Heshbon nu keba Amorko kediu Sihon gei chükeshü mhiei chüshütuo,” sishü.

Joshua 10:1

Jerusalem Kediu Adonizedek sü Joshua Ai lielie di peka tseikewa, siro Ai mu puo kediu gei rei, Jeriko tsiu puo kediu gei chükeshü mhie chüshü ükecü, tsiu Gibeon nu kebakoe Israel ze vitho chüwa di uko donu lhou bata ücü sikeshü ki,

Joshua 10:28

Sünhie teiso nu Joshuae zhiecha pie Makeda tsiu puo kediu pekawa; puoe sünu themia pete dukhriwa, mu mia yopuorei lhieshü mo. Sidi Jeriko kediu gei chükeshü tuoi Makeda kediu gei rei chüshü.

Joshua 11:14

Siro nadi hako nunu piekelie terhü mhavako mu kicükiriko Israelkoe liepie uko vie chülie. Derei zhiecha pie themiako pete geiwa, mu mia yopuorei perheishü mo.

Joshua 6:21

Siro uko zhiecha se nadiu nu mha pete peka lotsowa, thepfumia rei thenumia rei, phichünhicu mu sizomonyü mithu, tekuo, siro gada rei pete dukhriwa.

Joshua 8:12

Sidi puoe mia nyie pengou mese zelie di, uko bu nadiu niakratsa Bethel mu Ai unie donu rüshü balie.

Joshua 8:14

Ai kediue süu ngu tse, puo mu puo themia, nadiu nu lhou kebako pete ze khiserüna sielie di Israel ze kegeituo üdi Araba mhodzünu tuo pra, derei puoe nadiu sietsa puo bietuo üdi rüshü kebau dze si tuo mo.

Joshua 8:19

Tsiu puoe puo dzie yhashü mu chakhrie rüshü kebako u chü nunu mhai sielie, di ta nadiu nu le süu lielie; sidi rükri mi pie nadiu thewa.

Joshua 8:24

Israelkoe Ai themiako whuo vo terha mu rayha nu uko gei phrewa, tsiu zhiecha pie uko pete bie pejüwa tse, Israelmia peteko Ai nu la vor di zhiecha pie süu biewa.

Joshua 8:3

Süla Joshua sielie di terhü themia pete ze kho Ai reketuo dojülie. Puoe terhümiavimia nyie ser kedalie tsiu ahza khashü di pezei zenu uko ketseshüwa,

Joshua 8:7

niekoe rüshükebau nunu sielie di nadiu lielietuo; Jihova nie Kepenuopfü thuo süu pie nie dzie nu shüwaketa la.

Joshua 8:8

Mu nie-e nadiu liekelie sie, Jihova pukeshü tuoi mi pie nadiu thewatuo. Harie, a nie ki die khashüte ho,”

Joshua 8:9

Sidi Joshuae uko ketseshüwa; mu ukoe Ai niakratsa Bethel mu Ai unie donu rüshüchü nu volie di pfhe bata; derei Joshua we süzhü razhüchü nu bata.

Joshua 9:3

Derei Gibeon nu kelhoumiako Joshuae Jeriko mu Ai gei kedipuo chüshü shikecü sishü tse,