Joshua 7:15 - Angami Naga CL (Re-edited) Bible (BSI)

¹⁵ Sidi kenyü vie sa puo tekelieu mi pie puo thewatuo, puo mu puo keba pete, puo Jihova dietseidiekho-u varhuowa tsiu kenya mhatho se Israel gei vorwaketa la.’ ”

Joshua 7:15 Iomraidhean Croise

Keriekitho 34:7

Sütei touki Jakob nuonuoko lie nunu vor, sidi uko thedzeu sishü tse, themiako u nou kekrü mu u nou meyie phita, kekreilamonyü puoe Jakob nuopfü ze zhükewa ha Israel nu kenya mhatho puo chüwata zo, sicü chü zhü mo zocü la.

Samuel Kenieu 13:13

Siro a la liro, a bu a ngau se kirapuo vo ta? Siro n la zo rei, Israelmia donu miatho kemomia puo chütatuo. Süla tsie, a n ki chaya, kediu ki pushücie; kekreilamonyü puo mhakipuorei n kinu a khase batalie lho zo,” sita.

Joshua 7:11

Israel-e phoumawate; ukoe a uko ki diekhakeshü dietseidiekho-u varhuowate. Ukoe kenyü vie huo chüliete; ukoe rügulie zorei meda di pie uko nya donu shüliete.

Joshua 7:16

Süla Joshua khiserüna sielie di seyieseyie di Israel ze vor; sidi Juda yiemia telie.

Capiko 20:10

Siro Israel seyie pete nu mia krie puo nu mia ker, mia nyie puo nu mia krie puo, mu mia nyie ker nu mia nyie puo zelie di rüpfhünuoko la kecüca kesetuo. Sidi rüpfhünuoko Benjamin rüna Gibia nu vorlie tse uko bu Gibia themiako Israel nu kerüzhü mhatho kechü zhakhra chüshü uko gei shütuo.”

Capiko 20:5

ru Gibia themiako a petsouta di theva vo a keba kiu houlie mu a dukhrikewa leta. Mu ukoe a pelipfü ze vo shükhriwa.

Capiko 20:6

Sidi ae a pelipfü mo-u pielie di khrie petsepie Israel seyie keba kijü pete nu shü, ukoe Israelmia donu mha kesuo mu kerütsekecü mhatho puo chüketa la.

Samuel Kerieu 26:21

Sitse Saul sie, “A kekrüwate; la vortalie, a nuo David, a mhakipuorei n pechü salie lho, kekreilamonyü thie a kelhoue n mhiki puoma rete; a nya tuote, mu kekrü pezha phiwate.”