Joshua 7:1 - Angami Naga CL (Re-edited) Bible (BSI)

¹ Derei Israelko kenyü vie nu kejo chüwa. Süu Akan ükecü Karmi nuou mu Zabdi tsuu zo, siro Juda yiemia donu Zera chienuomia puo kenyü vie chülieketa la Jihova noupfhü Israel gei tu sierta.

Joshua 7:1 Iomraidhean Croise

Keriekitho 34:27

Siro Jakob nuo kekreikoe dukhrikewako kinu vor di nadiu pekawa, sükoe uko üpfü perhukewa la.

Samuel Kenieu 24:1

Siro Jihovae Israel gei puo nou meyie lata, sidi puoe David nou chüpie uko petsou di sie, “Vo di Israel mu Juda themiako phrücie,” si.

Kediko Kenieu 5:24

Sidi puoe dahou penuo vorlie tse, puoe unie dzie nunu pielie, sidi pie kinu shüwa, sidi puoe unie ketsewa, tsiu unie-e tuota.

Seyiedze Kerieu 21:7

Derei mha hau Kepenuopfü nei kemo puo, süla puo Israel vüshü.

Seyiedze Kenieu 24:18

Sitse ukoe uko puonuoko Kepenuopfü Jihova kiu khawa di Asherako mu terhuorhiko lie chüta. Uko kejo hau la noupfhü Juda mu Jerusalem gei vor.

Ezra 9:6

di sie, “He-i a Kepenuopfü, a tosie n mehoketuo rei le mengathorte mu a ziejüte, a Kepenuopfü, kekreilamonyü hieko kesuo kechüko hie tsüko ki rei rükriekuote, mu hie kejoko kho tei thu bate.

JOB LESHÜDAU 35:8

No mha kesuo kechü la themia n kemhiemia puo nou chü pesuowalie vi, tsiu n kemiatho la themia nuonuo bu mevilie vi.

Pethakeshüu 9:18

Mhasi-e terhünyieko ki rei vikuo, derei kephoumamia puoe mha kevi kekra pekawaya.

Daniel 9:7

“Kemiatho sü n kitsa tuo, he-i, Niepuu, derei thengau, thie ketso hie Judamia gei, Jerusalem nu kelhouko gei, mu Israel pete, kepenuo tsiu kepecie nu ketuoko, kijü nu no uko whuokewa peteko gei thenga tuote, kekreilamonyü uko kejo chü di n petsoukewa la.

Levimiako 10:6

Sitse Mosae Aron tsiu puo nuonie Eliazar mu Ithamar ki, “Nie tsütha bie kenyha hie, mu nie pfhenei cierha hie, nie siata rei si momu, siro mechükehou pete gei noupfhü vorta rei si momu; derei nie siezedzürieko, Israel kinumia pete bu Jihova mi ketsepie thekewau krükraliecie.

Jona 1:7

Siro routhuko sie huoniehuo üse, “Vorlie, úko dape khe, sitse supuo la mha kesuo hau u gei vorte shi silietuo.” Süla uko dape sitse Jona zanu parta.

Joshua 22:16

“Jihova mechükehouu pete hamhie di pu, ‘Kiüdi niekoe Israelmia Kepenuopfü gei mha kesuo chü mu Jihova siekemedzi nunu rüreitatuoü, siro Jihova perhiepetsoutuo üdi ruosuoba hamhiecü chüya ga?

Joshua 22:18

mu tsie rei nie Jihova kinu rürei latatuo üya le? Nieko thie we Jihova perhiepetsou ba, sodu puo Israel mechükehouu pete gei puo nei mo siertuo.

Joshua 22:20

Zera nuou Akan kenyü vie pielie di phoumakewa la noupfhüu Israel mechükehouu gei vor mo üme? Mu puo kejo la puo rübei sia mo.’ ”