Joshua 6:6 - Angami Naga CL (Re-edited) Bible (BSI)

⁶ Sitse Nun nuou Joshuae zievoko kieshü di uko ki, “Dietseidiekhobouu pielie, mu nieko mia thenie tekuo kia ketsüko pie di süu mhodzünu tuoshülie.”

Joshua 6:6 Iomraidhean Croise

Toukepra 25:14

Sidi uko bu dietseidiekhobouu pieketuo la seizonie pie dietseidiekhobouu khie rohouko nu pelielie.

Mhakechüko 9:1

Sükisü Saul-e thete dieu se mu Niepuue pethakelieko dukhrituoü khuboupfü di zievokezhatho-u ki vo,

Joshua 24:11

Siro niekoe Jordan ciese Jeriko nu vorlie, Jeriko themiako nie ze kegei; sütuoi Amorko, Perizko, Kananko, Hitko, Girgashko, Hivko; mu Jebusko rei nie ze kegei; derei a süko pete khapie nie dzie nu shüshü.

Joshua 3:3

mu themiako ki sie, “Levi zievokoe Jihova nie Kepenuopfü dietseidiekhobouu pie kevor ngu tse, nie kebachüko nunu tuoshülie. Sidi süu medzilie.

Joshua 3:6

Süsie Joshua zievoko ki “Dietseidiekhobouu toupielie di themiako mhodzü tuoshülie.” Süla ukoe dietseidiekhobouu pielie di themiako mhodzü tuoshü.

Joshua 6:13

Mu tekuo kia ketsü thenieko kepie zievokoe Jihova dietseidiekhobouu mhodzünu ketsüko khou pete mo di khoutuo zo; tsiu rünyie kepiekoe uko mhodzü tuo vo, mu puosietsa kepfhekoe Jihova dietseidiekhobouu sie nu tuo, zievokoe tuo chakhrie uko ketsü khoutuo zo.

Joshua 6:5

Siro ukoe tekuo kia ketsüko khou pecha seshütuo, mu niekoe sü pfhe si mumetha, themia pete shie peto seshütuo, sitse nadiu dahou me tsu puozha chüpfü zhütatuo. Sidi rüpfhünuo pete tuo mezhü nadiu nu lelietuo.”

Joshua 6:7

Puoe themiako ki, “Tuoshülie; tuose nadiu whi sedelie, siro rünyie keseko bu Jihova dietseidiekhobouu mhodzünu tuoshülie.”

Joshua 6:8

Siro Joshuae themiako ki die pushü tse, tekuo kia ketsü kepie zievo thenieko Jihova mhodzünu tuoshü, di ketsüko khoushü, mu Jihova dietseidiekhobouu pie uko medzi di tuoshü.

Samuel Kerieu 4:3

Tsiu rüpfhünuoko razhüchü nu la vorlie tse, Israel nu phichükoe sie, “Kiüdi thie Jihovae Filistinko mhodzünu u gei keka hau se vorshüta mu? Úko vo Shilo nunu Jihova dietseidiekhobouu se haki vorta khe, sidi puo bu vor u donu bakelie sie u ngumvümia dzie nunu kelalie rei si lho mu?”