Joshua 6:5 - Angami Naga CL (Re-edited) Bible (BSI)

⁵ Siro ukoe tekuo kia ketsüko khou pecha seshütuo, mu niekoe sü pfhe si mumetha, themia pete shie peto seshütuo, sitse nadiu dahou me tsu puozha chüpfü zhütatuo. Sidi rüpfhünuo pete tuo mezhü nadiu nu lelietuo.”

Joshua 6:5 Iomraidhean Croise

Toukepra 19:19

Siro ketsü pfhe meyie miemieketa ki ze Mosae die pushü ru Ukepenuopfüe teikese nunu puo die kelashü.

Isaya 25:12

Puo dahou kerükrieko se kerwatuo, kerünuo piezhüwatuo, kelhoupie kijü shüwatuo, nyophe nu ketso shüwatuo.

Isaya 30:25

Siro mia dukhri sekecü nhie, dahou kerükrieko teketsu ki kijüthou kerükrie pete gei mu kijükhru pete gei rücü dzü krutuo.

Jeremia 50:15

Lutsahatsa nu puo perhie di shieshülie, “Puoe mia khro lete; puo mvüdzeko tetsute, puo dahouko mete.” Hau Jihova khepuukecü la, puo gei khepu lielie, puo chükeshü mhiei chüpie puo gei lashülie.

Ibriko 11:30

Kepele la uko zha thenie tuo Jeriko dahouu whikeshü sie süu bu tetsuta.

Joshua 6:16

Mu va thenieu va, zievokoe ketsüko khoushü tse, Joshuae themiako ki “Shieshüliecie! Jihova nadiu pie nie tsüwaketa la.

Joshua 6:20

Süla ketsüko khoushü, mu themiako shieshü. Themiakoe ketsü khoukeshü sishü mumetha, ukoe mepfüshü, sitse dahouu me tsu puozha chüpfü zhüta, sidi themiakoe u thuo u mese kinu nadiu nu lelie, di nadiu lielie.

Joshua 6:4

mu zievomia thenie bu tekuo kia ketsü u thetse pie di dietseidiekhobouu mhodzünu tuotuo. Mu zha thenie nhie nieko va thenie tuo nadiu whishü tse zievokoe ketsüko khoushütuo.

Joshua 6:6

Sitse Nun nuou Joshuae zievoko kieshü di uko ki, “Dietseidiekhobouu pielie, mu nieko mia thenie tekuo kia ketsüko pie di süu mhodzünu tuoshülie.”

Capiko 20:37

Mu themia rüshü kebako vapuochü par Gibia relie, sidi zhiecha pie nadiu nu keba pete biewa.

Samuel Kerieu 17:20

Sitse David-e khiserüna sielie di puo kuoko pie kuopfhemia puo peleshüwa, puoe mhanyako pfülie, di Jese-e pukeshü mhiei tuo vota. Puoe tuo razhüchüu nu vorlie, mu süki rüpfhünuoko kegeituoü meciemewhi di rüyachü nu prazhü.

Samuel Kerieu 17:52

Sitse Israelko mu Judako sielie di shiekhoui Filistinko whuo zo tsu Gath mu Ekron kharuu tsota. Sidi Filistinmia rüzakelieko Sharaim chau nunu vo Gath mu Ekron chau ketso tetsu zhüta.

Samuel Kerieu 4:5

Sidi Jihova dietseidiekhobouu se razhüchüu nu vorlie tse, Israelmia pete shie petoshü ru kijüu va keza vota.