Joshua 6:2 - Angami Naga CL (Re-edited) Bible (BSI)

² Ru Jihovae Joshua ki, “Harie, a Jeriko, siro puo kediu tsiu puo chüpahiko pete pie n dzie nu shüwate.

Joshua 6:2 Iomraidhean Croise

Samuel Kenieu 5:19

Sitse David Jihova ketso di sie, “A bu Filistinko perhieketuo la khotuo me? No uko khapie a dzie nu shüwatuo me?” Sitse Jihova sie puo ki, “Khocie, kekreilamonyü a Filistinko khapie n dzie nu shü touwa zotuo.”

Nehemia 9:24

Süla u nuosenuoyiekoe vo kijüu welie, siro noe uko mhodzünu kijüu nu kelhouko, Kananmia penyüshü, sidi uko bu u medo chülietuoü, uko kediko, mu kijü nu themiako khapie uko dzie nu shü.

Daniel 2:21

Puoe bavüdoko mu puoteiko bie kedishüya, kedimia bu krütaya mu kediko bu sielieya; puoe mhasipie mhakesimia tsüshüya, tsiu kesikele pie mhacamhala silieyakezhamia tsüya.

Daniel 2:44

Siro kedi süko teiki teigei Ukepenuopfüe kedi puo, mhakipuorei pekawalie kelho puo morei puo kedi khapie kekreimia tsüwalie kelho puo pesieshütuo. Sidi süue kedi hako pete bietshie phaiwatuo mu uko pie puo thela chüwatuo, tsiu puoe kechachie thatatuo;

Daniel 4:17

Mha hau rükhouko bu diekhashü, mha pepikelieu kemesako thuo thezho khakeshüu zo, süusü themia lhou tuoyakezhamia bu Kerükrietho-ue themia mho di bayakezha silieketuo la; puo süu khapie puo medomia tsüya, tsiu themia zhasethomia pie sümho bashüya.’

Daniel 4:35

Kijü nu lhou ketuo peteko zo we puo mhodzünu mhathopuo kemo mhie zo, tsiu teigei krodi ze di kijü nu lhouketuo pete gei puo medo kemhie chüya. Siro miapuorei puo dzie khalie lho morei sie puo ki, “No kedipuo chüya ga?” ireilie lho.

Daniel 5:18

He-i kediu, Kerükrietho Kepenuopfüe kedi kechü, zhakecü, zayie mu kuokecü pie n puo Nebukadnezar tsüshü.

Pulakeshüzho 7:24

Mu puoe uko kediko khapie n dzie nu shütuo, mu no tei khro nu uko za pejüwatuo; no uko pekawa kemochie miapuorei n mhodzü thalie kenjü.

Joshua 12:9

Jeriko kediu, Ai kediu, süu Bethel khieki ba.

Joshua 2:24

Siro unie puo ki pu sakecü, “Jihovae kijüu pete pie úko tsüwaketa hie si touta zo, mu harie, sünu kelhouko pete u prei di michie bate,” sishü.

Joshua 2:9

“Jihovae kijü hau pie nie tsüwaketa a si bata zo. Siro nie kepreie hie gei bate, mu kijü hau nu kelhou pete nnie la michie kemerie chü bate.

Joshua 20:1

Jihovae Joshua ki,

Joshua 6:1

Jeriko nadiu sü Israelko la puo kharu khatsapfü bata; miapuorei nadiu nu le morei pra mota.

Joshua 6:3

No mu terhümiavimia pete khunhie va puo tuo nadiu whituo. No zha sorou hakemhie chütuo,

Joshua 8:1

Sitse Jihovae Joshua ki, “Terhü themiako pete zelie di Ai recie; michie hie morei n ziejüta hie. Harie, ae Ai kediu, puo themia, puo nadi, mu puo kijü khapie n dzie nu shüwaketa la.

Capiko 11:21

Sitse Jihova, Israel Kepenuopfüe Sihon mu puo themiako pete khapie Israel dzie nu shü di ukoe puo penyüwa; sidi Israel-e Amorko lhou keba kijü pete liepie puo vie chülie.

Capiko 11:24

N rhuou Kemosh pie n ketsüu pie n vie chülie lho me? Sütuoi Jihova hie Kepenuopfüe kha hie tsükeshüko hie-e süko pevie motuo me?