Joshua 6:19 - Angami Naga CL (Re-edited) Bible (BSI)

¹⁹ Sirei rakachü, suna, mese mu thegikhouühiebouko zowe Jihova la mesa zo, süko pie Jihova kinyibouu nu shütuo.”

Joshua 6:19 Iomraidhean Croise

Samuel Kenieu 8:11

hako rei Kediu David-e kenyüpie Jihova tsüwa, siro puoe seyie kekreikreikecü penyükelieko nunu rakachü mu suna sa kenyüpie khashü,

Kediko Kerieu 14:26

Sidi puoe Jihova kinu kinyi kengupie kebako mu kediu kinu kinyi kengupie kebako chüseta, puoe mha peteko seta zo: süsie rei puoe Solomon chükeshü suna pie kechü pezhüko pete chüseta.

Kediko Kerieu 7:51

Hakemhie di Kediu Solomon-e Jihova kiu mhatho pete chü tseilie. Solomon-e puo puo David-e chü kemesa se ketuo, rakachü, suna mu mhakhouko se vorlie sidi süko khapie Jihova kiu nu kinyibou nu shüwa.

Kediko Kenieu 24:13

Sitse puoe Jihova kinu kinyi pete, siro kediu kinu kinyi pete toupfüta, mu puo Israel kediu Solomon-e Jihova rüsuoki nu chükeshü suna tehiemekhou pete dathe phawa, Jihova pukeshü tuoikecü chüwa.

Seyiedze Kerieu 18:11

Mha hako mu puo seyie kekreiko kinu ngukelie Edom, Moab, Ammonko, Filistinko mu Amelek kinu rakachü mu suna ngukelieko chü kemesapie Jihova tsü.

Seyiedze Kerieu 26:20

Siro Leviko ro, Ahija bu Kepenuopfü kinu kinyibouko mu mha khakeshü kinyiko keseu chü.

Seyiedze Kerieu 26:26

Shelomot hau mu puo siezedzürieko bu mhama kereko kediu David, mu kikruko nu thekrüko mia nyie mho mu kriemhokezhako khakeshüko pete kemehoko chü.

Seyiedze Kerieu 26:27

Terhü nu mhanya vakelieko se Jihova kiu meza chüketuo nu uko mha khashü.

Seyiedze Kerieu 26:28

Süsie rei siedzekenguu Samuel, Kish nuou Saul, Ner nuou Abner, mu Zeruia nuou Joab khakeshü peteko chü kemesapie Jihova ketsüko peteko Shelomot mu puo siezedzürieko bu meho.

Seyiedze Kerieu 28:12

Mu puo nou mharhü keba pete khashü Jihova kiu kitietsa kehoubou chüketuo pete, Kepenuopfü kiu kinyiko, mu chü kemesapie khakeshü vie kinyiko la;

Seyiedze Kenieu 15:18

Tsiu puo Kepenuopfü kiu nu puo puo vie mu puo thuo puo vie khashütuo üdi pushüwaketa mhaphra, rakachü, suna mu mhakhouko se vorshü.

Seyiedze Kenieu 31:12

Sidi uko dietho di mha khakeshüko ker-zau, mu mhachü kemesakelie vieko se vorshülie. Mha hako kemeho kezhaue Levimia Konania, mu puo sieso-u puo siezeu Shimei,

Nehemia 10:38

Siro Leviko ker-zapuo liekecü ki Aron zievo-u bu Leviko ze batuo, siro Leviko ker-zapuo nu ker-zapuo se Kepenuopfü ki nu, mha kenguyakezha kibou nu votuo.

Jeremia 38:11

Süla Ebed-melek-e themiako zelie, sidi kedikiu nu mhanya khapie keba bouu nu vo di, sünu pfhenyhiepfhekra siro pfhemenei sekhreko keroko geinu petepie dzükhou kesou nu Jeremia ki shü.

Levimiako 19:24

Mu cie dia cie puo si pete Jihova tsheketuo la kedakreilietuo.

Mika 4:13

Sielie di nyüshücie, he-i Zion nuopfü, kekreilamonyü thegi pie n kia chüwatuo, tsiu mese pie n mou chüwatuo; noe themia kekra vütshie phawatuo, sidi uko meviko chü kemesapie Jihova tsütuo, uko kinyiko pie kijü pete mho Niepuu ki shütuo.

Nuolhoutsüphrü 31:11

derei uko themiako mu khunuoko zo we tezeta tsiu mhanya rei ketalie.

Nuolhoutsüphrü 31:12

Sidi ukoe kedie tekelieko mu khurinuo tekelieko tsiu mha ketakelieko se Moab razhau nu Jeriko nunu razhü chü kebau nu Mosa, zievo-u Eliazar mu Israelmia mechükehou ki vor.

Nuolhoutsüphrü 31:22

Suna, rakachü, mese, thegi, tinyü, mu guli shierei,

Mathi 27:6

Siro zievokezhako rakako chülie di sie, “Hako thezie ma zokecü la khapie kinyibouu nu shüketuo puotou mote.”

Mark 12:41

Süsie puoe rakabouu kepetsou touki ba di mia krodi rakabouu nu mha khakeshü meho ba. Siro mhakenyimia kekra raka kha phishü ba.

Joshua 7:11

Israel-e phoumawate; ukoe a uko ki diekhakeshü dietseidiekho-u varhuowate. Ukoe kenyü vie huo chüliete; ukoe rügulie zorei meda di pie uko nya donu shüliete.