Joshua 5:1 - Angami Naga CL (Re-edited) Bible (BSI)

¹ Jordan niakratsa keba Amor kediko pete mu dzükezha khie keba Kanan kediko pete Jihovae Jordan chü pesoshü di Israelko bu cie pralie ükecü dze sishü. Sitse ukoe Israelko la u melou suo mu michie phi bata.

Joshua 5:1 Iomraidhean Croise

Keriekitho 12:6

Abram-e kijü süu pfüthese Shekem nu keba Moreh phrietsa nu vorlie. Süteiki Kananmia sünu lhou tuo zo.

Keriekitho 48:22

Siro a thie pie n siezedzürieko ketsü mho a n shiephruo rükrüshüzhie ho. A a zhiecha mu a theü se Amormiako kijü penyükelieu sa pie n tsüshü ho.”

Samuel Kenieu 21:2

Süla kediue Gibeonko kielie di sie uko ze kerüchü (Gibeonko ha Israelmia mo, derei Amormia lhiekeshümia zo; Israelkoe uko kelashütuoü rüsepie zhü zorei, Saul-e Israelmiako mu Judako la puo nou mehü di uko pekawatuoü sieta.)

Kediko Kerieu 10:5

puo mizhü gei kecükekrie, puo kituoko keba, kituoko puo pfhe ketha uko pfhenei, puo hie kepieko, mu puoe Jihova kinu kekho chapra ngushü tse, puo ngo rei ngodapfü chü mota.

Ezra 9:1

Mha hako chüwata tse, kezhakoe a ki vor di sie, “Israel themiako, zievoko, mu Leviko, kijüu nu themiako donunu u thuo u kelakrei se balie mote, ukoe kerütsekecüko chü di Kananmia, Hitmia, Perizmia, Jebusmia, Ammonmia, Moabmia, Ijiptmia mu Amormia kemhie bate.

Chieliko 135:11

Amorko kediu Sihon, Bashan kediu Og, tsiu Kanan nu kedirüvie pete;

Toukepra 23:28

Mu ae pfhidi ketsepie nie mhodzü shütuo, sidi süko bu nie mhodzünu Hivko, Kananko, mu Hitko whuowatuo.

Isaya 41:5

Dzükezha khie kijükoe süu ngu mu michieta, kijü valakoe perüsata; ukoe penuo phir di vor.

Ezekiel 16:3

Pushülie, Niepuu Jihovae Jerusalem ki puya: N sedeu siro n kepenuo chüu sü Kanan kijü nu zo; n puo sü Amormia, mu n zuo sü Hitmia.

Ezekiel 21:7

Siro uko sie n ki, “No kiüdi thenousuo ba ga?” ikecü ki, no sie, “Kekreilamonyü dielie vorkecüko lalie. Thenou pete thachütatuo tsiu thedzie pete mezietatuo, ruopfü pete phisiatatuo, mu khoudza pete rei dzü mevitatuo. He-i süu vortuo mu süu chü tseishütuo.” Niepuu Jihovae siya:

Daniel 5:6

Sitse kediu zie ngu pesuo vorta, mu puo keleko puo kedeta. Puo bou puo doko mezieta, tsiu puo khudzanie kevü khrukhruta.

Amos 2:9

Sishierei a uko mhodzü nunu Amormia pekawa, puocha rükriepie sedar tuoi zorei, tsiu sükoe phriebo tuoi metei ba rei a pesogei keba puosiu, mu kijü khro puo mieko pekawa.

Nuolhoutsüphrü 13:29

Negeb kijütsa Amalekmia lhou ba; mu kijüthou rünako nu Hitmia, Jebusmia mu Ammonmia lhou ba; siro dzükezha khie mu Jordan rü merhieko nu Kananmia lhou ba.”

Joshua 17:12

Sizorei Manasseh themiakoe rüna süko nu keba themiako whuolie kenjüta; süla Kananmiako bu kijü sünu lhou sei tuota.

Joshua 17:18

Derei kijütseiko n vie chütuo; süu ketsa zo ürei, no süu da kemesalie di puo rie thela nunu vo kekreitsa kela ketso pevielietuo; siro Kananko sü uko thuo thegi kierbagei nyi mu kuo ba zorei, noe uko whuowatuo.”

Joshua 24:15

Siro Jihova lie kechü nieko mhodzüki mha kesuo üro, nie supuo lie chütuo shiü thie nie thuo kedaliecie, nie puonuoko Kerü khie kekreitsa nu terhuo lie chü kevorko tuo mo, nie u kijü nu keba Amormia rhuoko tuo shi; derei a mu a kikru zowe Jihova lie chü zotuo.”

Joshua 3:16

dzü kru kerkezhüko kru sa mota, siro pfhepfü di Zarethan kepenuoki Adam ükecü nadiu ketso khapfü thata. Sidi Araba dzükezha, Kesia Dzükezhau nu tsu kezhüko dathe tseiwata, sidi themiako bu Jeriko rütsietsa pralie kevi chülie.

Joshua 3:17

Tsiu Israelko kerü keso nu phikezhü ki Jihova dietseidiekhobouu kepiekoe Jordan metsuo keso nu tha di themiako bu pra tseilie kemochie metei thalie.

Pesikeshü 18:10

sidi ukoe kepecie nu thatuo, tsiu süpfü mezhie ngu michie di sie, “Hou, hou, nadi kezhapfü, Babilon, nadi kekuou! Bavüdo puo nu n capi kechü vorketa la.”

Capiko 1:1

Joshua siaketa sie, Israelkoe Jihova ketso di, “Hieko la supuonie rie kho di Kananko ze kegeituo ga?”

Capiko 11:23

Mu Jihova Israel Kepenuopfüe puo themiako mhodzü nunu Amorko whuowa di uko vie lielieta üliro, no süko lie lakecü mese me?

Capiko 3:3

Süko Filistinmia kedi pengouko, Kananko pete, mu Sidonko, tsiu Lebanon Kijüthou gei Hivko pete, Baal-hermon Kijüthou nunu vo Lebo-hamat ketso.

Capiko 4:2

Süla Jihovae uko zepie Hazor nu di keba Kanan Kediu Jabin dzie nu shüwa. Puo rüpfhünuo mhokezhau Sisera, süue Haroshet-ha-goim nu ba.

Samuel Kerieu 25:37

Siro khise Nabal gei mezekecü ba mota, sitse puo kimia mha hako pete se puo ki pushü tse puo melou thachü vorta; sidi puo ketsie mhieta.