Joshua 4:9 - Angami Naga CL (Re-edited) Bible (BSI)

⁹ (Siro Joshuae Jordan metsuo nu, dietseidiekhobouu kepie zievoko thakecü thechüu nu ketsie kerekenieko seshü; ketsie süko thie ketso rei zhüya zo).

Joshua 4:9 Iomraidhean Croise

Keriekitho 26:33

Puoe süu za thopie Shiba chüwa; süla thie ketso rei nadi süu za üse Beersheba üdi kietuoya zo.

Keriekitho 28:18

Siro Jakob khiserüna sielie di puo tsükhe chüpfü kezhü ketsieu chülie di süu doupie tsiese puo chüshü, sidi tier lapie süu tsüle gei shü.

Samuel Kenieu 4:3

(Siru Birotmia tase Gitaim nu vota, sidi thie ketso rei sünu kelhoumia chü tuote.)

Kediko Kerieu 18:31

Sidi Elijae ketsie kerekenie chülie, Jakob nuonuoko seyie medzi di, Jihova die puo ki “N za pie Israel chütuowe,” ikecü mhie di,

Seyiedze Kenieu 5:9

Seiko chaphicü la kemesabau mhodzünu keba kemesa chüu nu nguya; derei chazounu we ngulie kenjü; mu süko thie ketso rei si baya zo.

Toukepra 24:12

Jihovae Mosa ki, “Kijüthou gei a ki khorlie, di sünu pfhe balie, siro ae thezho mu diekhakeshüko uko kepetha la a thuo thukelie, ketsie tsiekranie pie n tsüshütuo.”

Toukepra 28:21

Ketsie kerekenie gei Israel nuonuoko za thupie batuo, ukoe zasi tuoi zotuo, puotse gei puo za thutuo, seyie kerekenieko la.

Mathi 27:8

Süla thie ketso rei lie süu üse Thezie Lieu ütuota.

Mathi 28:15

Süla uko rakako lielie di uko ki pukeshü kemhie chüta; siro thedze hau thie ketso rei Judamia donu kepu vorzhü zo.

Pulakeshüzho 34:6

Sidi puoe Bet-peor rütsietsa Moab kijü nu kijü razhau nunu puo khruwa, derei thie ketso miapuorei puo kekhru chüu si mo.

Joshua 24:26

Tsiu Joshuae die hako pete pie Jihova zho leshüdau nu thulie. Sidi puoe ketsie kezha puo pielie di, Jihova Kemesachüu nu phriebo puo khro nu ketsieu seshü.

Joshua 4:10

Jihovae themiako bu chünu di Joshua ki diekhakeshüko chü tseiwa kemochie zievokoe Jordan rüu metsuo nu tha zo, sidi Mosae Joshua ki pupie ketuo dieko chü tseilie, mu themiako bu rükri kerüu cie prata.

Capiko 1:26

Sitse themiau Hitko kijü nu vo di rüna nadi puo chülie; sidi süu za pie Luz idi kielie, thie ketso rei theza süu kieya.

Samuel Kerieu 30:25

Siro sünhie yawinu puoe süu pie Israelko la chünukecüzho mu pethokeshüzho chüwa; süu thie ketso rei si tuoya zo.

Samuel Kerieu 7:12

Sitse Samuel-e ketsie puo chülie, di süu pie Mizpa mu Jeshana unie donu seshü di puoe süu üse Ebenezer üdi kielie, puoe, “Jihovae ha ketso u khruohi vorshü zo” idi.