Joshua 4:14 - Angami Naga CL (Re-edited) Bible (BSI)

¹⁴ Sünhiesü Jihovae Israelmia pete mhingu nu Joshua chü pezhashü; mu ukoe Mosa khrüprei kevor tuoi, puo kerhei chie puo khrüpreilie.

Joshua 4:14 Iomraidhean Croise

Kediko Kerieu 3:28

Sitse Israelmia pete kediu dienya kecükeshü capiu dze silie; sidi ukoe kediu preita, kekreilamonyü ukoe puo dietho tou di capi chülie kevi Ukepenuopfü mhasi tuokecü ngulieketa la.

Kediko Kenieu 2:15

Mu siedzekesiko kro Jeriko nunu meho kethako puo ngu tse, ukoe sie, “Elija kekuo Elisha gei bate,” sita. Sidi ukoe puo ze kesetuoü vor, sidi puo mhodzü zeretsu kijü zhüta.

Seyiedze Kerieu 29:25

Siro Jihovae Israel pete mhodzünu Solomon chü pezha phishü, sidi Israel nu puo mhodzü kedi puorei nguliekemo kedi therhu mu kekuo se puo tsü.

Seyiedze Kenieu 30:12

Kepenuopfü dzie-e Juda gei rei ba di uko bu nou puo chü kediu mu puo khro kezhakoe Jihova die pukeshü ki ze chülie.

Toukepra 11:3

Jihovae puo themiako bu Ijiptmiako mhinguki nu thekhrie pfülie. Sizomonyü Mosa zorei Ijipt kijü nu, Faro kituoko mhinguki mu themia mhinguki meyie phita.

Toukepra 14:31

Israel-e Jihova Ijiptmiako petsou di mhatho kezha chükeshü ngushü, tsiu themiakoe Jihova preilie, siro Jihova mu puo kituou Mosa pelelie.

Mhasidie 24:21

A nuo, Jihova mu kediu preiliecie, unie mia puo die rei ze mota hie;

Rommiako 13:4

Puoe Kepenuopfü kituomia chü di n la mha kevi chü keba zo. Derei mha kesuo chüya üro, no michieliecie, kekreilamonyü kekuo se kebau kemethuo nu zhiecha se ba mo. Ukepenuopfü kituomia chü di mha kesuo kechümia gei noupfhü khashüketuo la baya.

Korintmiako Kerieu 10:2

siro uko pete rei Mosa kitsacü tuoi kimhou mu dzükezha nunu dzülupfü phrelie,

Joshua 3:7

Jihovae Joshua ki, “A thie Israelmia pete mhingu nunu n chü pezha sedeshütatuo, sitse ukoe a Mosa ze ketuo tuoi n ze tuo zokecü silietuo.

Joshua 4:13

Sidi themia nyie hiedia mese terhü la u kesepfü di Jihova mhodzü Jeriko razhau nu pralie.

Joshua 4:15

Siro Jihovae Joshua ki,

Samuel Kerieu 12:18

Sidi Samuel-e Jihova kieshü, sitse sünhie Jihovae tei bu se mu rüshü, ru themia pete Jihova mu Samuel preipie mhapuochüta.