Joshua 24:7 - Angami Naga CL (Re-edited) Bible (BSI)

⁷ Derei ukoe Jihova ki uko mezhiemeloshü tse, puoe kezei khapie Ijiptmia mu uko donu shü, sidi dzükezha bu kru tsur uko vuwa; ae Ijipt nu kedipuo chüshü shikecü nie mhipie ngu. Süsie niekoe teicie kekra rayha nu lhou.

Joshua 24:7 Iomraidhean Croise

Toukepra 14:10

Faroe uko penuo vorliecü ki, Israel nuonuokoe meho sie ru, harie, Ijiptmiakoe uko sie vorkezhü ngushü. Sitse Israelkoe michie phi di shiepie Jihova ki shüta.

Toukepra 14:20

Sidi vo Ijipt krodiko mu Israel krodiko donu thata. Sitse kimhou mu kezeiu bata, tsiu süu theva kezie pie hako tsü; sidi miapuorei kekreiu penuo mo di teizeizha pete vota.

Toukepra 14:31

Israel-e Jihova Ijiptmiako petsou di mhatho kezha chükeshü ngushü, tsiu themiakoe Jihova preilie, siro Jihova mu puo kituou Mosa pelelie.

Pulakeshüzho 1:46

Sidi niekoe Kadesh nu zha kekra bata.

Pulakeshüzho 2:14

Siro hieko Kadesh-barnia nunu tuoshü di Zered Rüu ciekelie ketso, Jihovae rüse di pukeshü tuoi terhümiaviko phouu pete razhüchü nunu kaüjüketa ketso, cie serethethata.

Pulakeshüzho 29:2

Mosae Israel pete kielie di, uko ki: Jihovae Ijipt nu nie mhinguki nu, Faro gei, puo kituomia pete gei, mu puo kijü pete gei mhachükeshü pete nie nguwate;

Pulakeshüzho 4:34

Morei Jihova nie Kepenuopfü Ijipt nu nie mhi kinu nie la mha pete chükeshü tuoi terhuo puorei seyie kekrei puo donunu mhadojükecü, zasiko, ungothoko, mu terhü chü di kekuo dzie se, mu puo bou yhapie, mu kemeriekecü chü di puo thuo puo la seyie puo zekelie ba me?

Ibriko 3:17

Derei puo teicie hiedia suomia gei puo nei mo tuo ga? Kephouma chüwa di umo vapie rayha nu shükewako mo üme?

Joshua 5:6

Ukoe Jihova pfhe rünyü kemo la, Israelkoe cie hiedia rayha nu rühou di Ijipt nunu parkelie terhümiaviko pete siata; Jihovae mithunudzü mu mepfhidzü krukezhü kijü puo khapie u tsütuo üdi uko puonuoko ki rüsekeshü uko bu we ngulie lho üdi Jihovae rüsewa.