Joshua 24:26 - Angami Naga CL (Re-edited) Bible (BSI)

²⁶ Tsiu Joshuae die hako pete pie Jihova zho leshüdau nu thulie. Sidi puoe ketsie kezha puo pielie di, Jihova Kemesachüu nu phriebo puo khro nu ketsieu seshü.

Joshua 24:26 Iomraidhean Croise

Keriekitho 31:45

Süla Jakob-e ketsie puo chülie di doupie tsiese puo chüshü.

Keriekitho 35:4

Süla uko seyie kekreimia rhuo u dzie nu ketuoko, mu menyie uko nyie nu ketuoko khapie Jakob tsüwa, sitse Jakob-e süko pie Shekem khieki phriebo-u khro nu keviewa.

Keriekitho 35:8

Siro Rebeka kituopfü Debora siata, sidi Bethel khro ki phriebo-u khro nu puo khru; mu thechü süu za pie Alon-bakut chüta.

Toukepra 24:4

Siro Mosae Jihova pukeshü dieko thulie. Mu puo khiserüna sielie di kijüthou phi nunu ruosuoba puo chülie mu co kerekenieu selie, Israel seyie kerekenie tse.

Capiko 9:6

Sitse Shekemmiako mu Bet-milomiako pete vor kengulie, di ukoe vo phrie bodiu kiki nu Abimelek pie kedi chülie.

Samuel Kerieu 7:12

Sitse Samuel-e ketsie puo chülie, di süu pie Mizpa mu Jeshana unie donu seshü di puoe süu üse Ebenezer üdi kielie, puoe, “Jihovae ha ketso u khruohi vorshü zo” idi.