Joshua 24:14 - Angami Naga CL (Re-edited) Bible (BSI)

¹⁴ “Süla tsie Jihova preilie mu nie nou nie thochü di puo lie chülie; nie puonuokoe Kerü khie kekreitsa mu Ijipt nu terhuo lie chü kevorko khawalie, sidi Jihova lie chülie.

Joshua 24:14 Iomraidhean Croise

Keriekitho 17:1

Abram cie hiethepfüethepfüketa ki Jihovae puo pengu di puo ki, “Ae Kepenuopfü Kuokejokejüu zowe, a mhodzüki tuolie, mu no vi tseilie.

Keriekitho 35:2

Süla Jakob sie puo kinuko mu puo ze ketuo kheko üse, “Nieko donu seyie kekreimia rhuoko kha phrewalie, nie chü kemesalie mu nie pfheneiko kedilie;

Kediko Kenieu 20:3

“He-i Jihova, a n ki chaya, a kimhie di a nou ketho se n mhodzünu tuo shicü, mu n mhinguki mezhü ükecüu chü shicü tsie rükrashüyi.” Sidi Hezekia kra phita.

Ezra 9:11

Süko noe n kituo siedzekesiko geinu khashü di pucü, ‘Nieko vo di welieketuo kijüu sünu themiako la mesa mote, uko kerütsekecü chükecüko lanu, uko mesa kemoko tietsatiepuo nu vo kekreitsatie ketshu chü di kijüu bu mesa mote.

JOB LESHÜDAU 1:1

Thiedzü Uz rüna nu mia puo tuo, puo za Job. Themia süu vitsei mu mezhü, tsiu Ukepenuopfü khrüprei, siro mha kesuou rütseya.

JOB LESHÜDAU 28:28

Tsiu puoe mia ki, ‘Harie, Jihova khrüpreikelie, süusü mhasi zo; tsiu mha kesuo therhiekelie-e kesikeleu zo,’ iya.”

Chieliko 111:10

Jihova kepreie mhasi bode zo; süu chüüzekeliemia mha kevi site. Puo ketshe-e kechachie baya.

Chieliko 119:1

U cha nu pejolie kelhomia thejakepfütho zo, Jihova zho nu tuoyakezhako.

Chieliko 119:80

A melou bu noe chünukecüko kitsa pejolie kelho chücie, sitse a thenga chü molietuo.

Chieliko 130:4

Derei vapie tsülie kevi n gei ba, mia bu n rhulieketuo la.

Chieliko 81:10

A Jihova, n Kepenuopfü, Ijipt kijü nunu n ze parkeshüu; n tie mekuo kemeyashücie, sitse a süu tshushütuo.

Ezekiel 20:18

Siro a rayha nunu uko nuonuoko ki pu di, Nie puonuoko zhoko medzi hie morei uko terhuorhiko se nie perhuwa hie.

Ezekiel 23:3

unie Ijipt nu thethelieya; unie u rüü teiki thethe lie tuota; unie nu mu unie merü mia bu biewa.

Hosea 3:5

Süsie Israelmiako rürei la vorlie sidi Jihova uko Kepenuopfü pfhü mu uko kediu David pfhü lalietuo. Siro teisozha kenuotsa Jihova tsiu puo ketseikevi khrüprei nu vortuo.

Levimiako 17:7

sidi uko bu temvü-rhuoko ruotho khashü mu thethe lie sa molieketuo la. Hau uko nuosenuoyie pete la kechachie zho puo chütuo.

Mika 6:8

He-i themiau, mha kiu vi shicü puo n ki pushüwate; tsiu Jihova n ki kedipuo lie nyüya shicü rei. Süu kethocau chü, ngukemezhieu khrie, mu rünuo di n Kepenuopfü ze tuokelieu zo.

LUK THUKESHÜ DIELIEKEVI 8:15

Siro kijü kevi nu tsukelieko we dieu rünyülie di u nou dietho tsiu mezhü mu u shüshüta mo di süu se zo tha u si vükelieko zo.

Mhakechüko 9:31

Süteiki Judia, Galil tsiu Samaria nu kehouu bu mene mu metei sielie. Siro Niepuu khrüprei di lhou mu Kemesa Ruopfü bu unou chü peluo tsiu tsüphrü kra miemielie.

Korintmiako Kenieu 1:12

Ketho zo, hie kemelhakecü hauha zo, mu hie nou rei süu dzetsa zhapu chüya. Süu hie kijü hau nu kethera chie mo, mu hie nou hie tho chü di lhoushü zo, ba hurei lhoupie nieko tsükecütsa, mu süu kijü nu mhasi se di mbe, derei Ukepenuopfü kinu kepar ngukemezhie geinu zo.

Efesako 6:24

Ngukemezhie bu jütaya kemo kekhrie pie u Niepu Jisu Khrista khrieyakezha peteko ze tuokelieu chücie.

Pulakeshüzho 10:12

Siro harie, Israel, Jihova n Kepenuopfü n kinu kedipuo menguya ga? Jihova n Kepenuopfü preikecüu zo, puo cha pete nu tuokecü, puo khriekecü, tsiu n melou pete mu n ruopfü pete se Jihova n Kepenuopfü lie chükecüu,

Pulakeshüzho 18:13

No Jihova n Kepenuopfü mhodzünu vilotsolie morosuo.

Pulakeshüzho 6:13

No Jihova n Kepenuopfü preituo, puo lie chütuo, mu puo za rübei se rüsetuo.

Filipiko 1:10

di nieko bu mha kevitho-u si toulie, siro mesa mu pejolie kelhomia chü ba di Khrista zhau tsolieketuo,

Joshua 24:2

Sidi Joshuae themia peteko ki, “Jihova Israel Kepenuopfüe puya: Thiedzütho nie puonuoko, Tera, Abraham mu Nahor unie puou, uko Eufrat rü lutsakhie lhou, sidi ukoe terhuo kekrei lie chü vor.

Joshua 24:23

Sitse Joshuae sie, “Sizo üliro, tsie nie donu miaramia rhuoko khakegewalie, sidi nie nou khapie Jihova, Israel Kepenuopfü kitsashülie.”

Samuel Kerieu 12:14

Mhanuü niekoe Jihova preilie di puo lie chü, puo die ze, siro puo diekhakeshüko petsouta molie liro, tsiu nieko mu nieko mho di kebau rei Jihova rhulie liro mha pete puotou volietuo.

Samuel Kerieu 12:24

Jihova khrüprei zolie di nie melou pete se dietho di puo lie chülie. Sidi puoe mha kezha kedithede nie la chüshüte shi leshücie.

Samuel Kerieu 7:3

Sitse Samuel-e Israelmia pete ki pu di, “Mhanuü niekoe nieko melou pete se rürei Jihova kitsa vozhü üro nieko donu terhuo kekrei mu Astartko khawalie. Sidi nie melou kereipie Jihova kitsashülie, sidi puo lie rübei chülie, silie ro puoe Filistinmia dzie nunu nieko kelashü zotuo.”