Joshua 23:4 - Angami Naga CL (Re-edited) Bible (BSI)

⁴ Mha hako rükraliecie, seyie keshako pie nie kayie vie chütuo üdi a thuo kezapie nie tsüwate, siro ae penyükelie seyieko sa di niathutsa Jordan nunu niakratsa Dzükezhatho-u ketso khashüwate.

Joshua 23:4 Iomraidhean Croise

Chieliko 105:11

sidi sie, “A Kanan kijü pie n tsütuo, pie n ya thekau chütuo,” isi.

Chieliko 78:55

Puoe uko mhodzü nunu seyieko whuowa; sidi kijüko kezapie uko tsü di uko bu pevielie, mu Israel seyieko bu uko pfhekiko nu lhou.

Toukepra 23:30

Rülili di ae nie mhodzü nunu uko whuotuo, nie kra sier kijüu pe balie kemochie.

Zefania 3:6

A seyieko dathewate; uko dahouko ruozhüte; a uko chako chü kemethuowa, süla süko nu miapuorei tuoya mote; uko nadiko chü peruowate, themia tuo mo, miapuorei lhou tuo mote.

Pulakeshüzho 12:29

Jihova n Kepenuopfüe no vo uko vie lielieketuo seyieko n mhodzü nunu dathewa, tsiu noe uko vie lielie di uko kijü nu balie ro,

Joshua 13:2

Kijü lie saketuo hako: Filistin kijü rüvie pete mu Geshur kijü rüvie pete,

Joshua 18:10

tsiu Joshuae Shilo nu Jihova mhodzüki nu uko la dape chü, sidi kijüu kezapie Israel seyie uya ngulie mo baluocüko tsü phreshü.

Capiko 2:21

a rei tsie yawinu Joshua siaketa ki seyie kro puo whuowa mokebako uko mhodzü nunu whuolie lhote.”