Joshua 23:3 - Angami Naga CL (Re-edited) Bible (BSI)

³ siro niekoe Jihova nie Kepenuopfü nie la seyie hako gei chükeshü pete nie thuo nguwate, kekreilamonyü nie la kegeikecüu sü Jihova nie Kepenuopfü zo.

Joshua 23:3 Iomraidhean Croise

Toukepra 14:14

Jihova nie la kegeituo, mu nie-e kemekrie balie ro si zo.”

Toukepra 19:4

A Ijiptmia gei kedipuo chüshü shikecü, mu a kikidi tsüü shü geinu nieko pfü a ki vorlie shikecü niekoe ngushüte.

Ezekiel 20:28

Kekreilamonyü a uko ze rüse di uko tsütuo ükeshü kijü nu vorlie tse, uko kehoukipuorei kijükhru kerükrie morei seibo puonyü kerhei kehoupuorei ngu ro uko ruosuo chü di a nou chü kemeyie; sünunu uko mha kethengu khashü, tsiu kekrie ruosuo rukeshü la.

Malaki 1:5

Nieko mhi thuo hau ngutuo, mu nie sie, “Jihova zha meyie se Israel tierie rei cie votuo.”

Pulakeshüzho 1:30

Jihova nie Kepenuopfü nie mhodzü vokezhüu nie la terhü chüshütuo, puoe Ijipt nu nie mhinguki nu nie la chükeshü tuoi,

Pulakeshüzho 20:4

Jihova nie Kepenuopfüe nie ze vo nie la nie ngumvüko ze kegei di nie bu kuoliekezhau chütuocü la.”

Pulakeshüzho 4:9

Menuou menuolie, mu pecü phi di n kelhou seliecie, n mhipie ngukeshüko rükra mota molieketuo la, sidi süko bu n rhei chie n nou kinu tuota molieketuo la; süko pie n nuonuo mu n tsunuoko pesishülie,

Pulakeshüzho 7:17

Noe n nou nu sie, “Seyie hako a ki zhakuo, a kikidi uko vie lielietuo mu?” iba rei,

Pulakeshüzho 7:24

Mu puoe uko kediko khapie n dzie nu shütuo, mu no tei khro nu uko za pejüwatuo; no uko pekawa kemochie miapuorei n mhodzü thalie kenjü.

Joshua 10:14

Mhakipuorei sünhie kemhie Jihovae themia pfhe rünyükeshü jü zo; sümhodzü rei, mu süsie rei; Jihovae Israel la kegei zocü la.

Joshua 10:42

Jihova Israel Kepenuopfüe Israel la kegeikeshü la, Joshuae va puo rüwhuo nu kedi hako pete mu uko kijü lielie.

Joshua 23:10

Nieko mia puo zorei mia nyie puo whuo petakewa chüshü, kekreilamonyü puo nie ki phrakeshü tuoi, nie la terhü chükeshüu sü Jihova nie Kepenuopfü zocü la.