Joshua 23:2 - Angami Naga CL (Re-edited) Bible (BSI)

² Süla puoe Israel pete nu phichüko, krütako, capiko, tsiu kezhamiako kieshü di uko ki, “A tsie we tsate mu a kelhouzha rei kho phite;

Joshua 23:2 Iomraidhean Croise

Kediko Kerieu 1:1

Tsie we David kediu tsa mu phichü phita; mu uko pfhe pie puo wheshü zo ürei puo lelie mota.

Kediko Kerieu 8:1

Süsie Solomon-e Israel phichüko, seyie krütako, tsiu Israel puonuo kinuko krütako pete kie kengupie Jerusalem nu kediu Solomon mhodzü shülie, süu David nadiu nunu Jihova dietseidiekhobouu Zion nu kebau se vortuo üdi.

Seyiedze Kerieu 23:2

David-e Israel krütako pete, siro zievoko mu Leviko kie kengulie.

Seyiedze Kerieu 27:27

Khubelieko kemeho-u Ramatmia Shimei. Khubelie nunu biepie khubezu chülie di khapie kebau kiko mho-u Shifmia Zabdi.

Seyiedze Kerieu 28:1

David-e Israelmia kezhako pete, seyieko donu mha kezha keseko, kediu lie chükezha themiako donu kezhako, nyiemhokezhako, kriemhokezhako, kediu mu puo nuonuoko vie pete mu kiriko mehoyakezhako, terhümiavi kekuoko mu terhümia pete kiepie Jerusalem nu kengulie.

Pulakeshüzho 31:28

Nie seyie nu phichüko, mu kezhako pfhü kengulie, a bu die hako pie uko nyie kinu phrüshüketuo la, sidi tei mu kijü kie pie uko petsou di zhapu chüketuo la.

Joshua 13:1

Tsie we Joshuae tsa seta, mu puo kelhouzha kho phita; sitse Jihova puo ki, “No sü tsa sete mu n kelhouzha kho phite tsiu tsie rei kijü kekra pevie saketuo baluo.

Joshua 23:3

siro niekoe Jihova nie Kepenuopfü nie la seyie hako gei chükeshü pete nie thuo nguwate, kekreilamonyü nie la kegeikecüu sü Jihova nie Kepenuopfü zo.

Joshua 24:1

Sitse Joshuae Israel seyie pete pfhü kengu ze vo Shekem nu shülie, di Israel phichüko, krütako, capiko mu kezhamiako kieshü ru ukoe Kepenuopfü mhodzünu vorlie.

Samuel Kerieu 12:2

Mu tsie nieko kediu bu nie cha thatuo. A zowe tsate mu a tsü rei rüpoute, sirei a nuonuoko we nieko ze ba zo. Tsiu a a nhicu nunu vor thie ketso nieko cha tha vor.