Joshua 23:16 - Angami Naga CL (Re-edited) Bible (BSI)

¹⁶ Mhanuü nie Jihova nie Kepenuopfü nie bu zenu di diekhakeshü dietseidiekho-u varhuo di terhuo kekrei lie chü mu zeretsu süko rüsuota ro, Jihova nouyie nie gei tusiertatuo, sidi Puoe pie nie tsükeshü kijü keviu nunu nie-e kaüjü mhatatuo.”

Joshua 23:16 Iomraidhean Croise

Kediko Kerieu 14:15

“Jihovae Israel vüshütuo, dzü nu tekhriebo he keniekeshü tuoi, mu puoe kijü keviu khapie puo puo-nuoko ketsüu nunu Israel phewatuo, sidi bie kezapie Eufrat rüu tse vowatuo, kekreilamonyü ukoe Asherako chülie di Jihova bu puo nou meyiete.

Kediko Kerieu 9:6

Derei mhanuü noe a siemedzi mo di rürei kekreitsa vota, no morei n nuonuo rei, sidi a pie n mhodzünu keshü dieko tsiu a zhoko mu a khakeshüko chüüzelie mota, di vo terhuo kekrei lie chü tsiu süko rüsuotuota ro,

Kediko Kerieu 9:7

süsie ae khapie uko ketsü kijüu nunu Israel dathewatuo; mu ki hau la, ae a za la chü kemesakelieu a a mhodzü nunu chü kelhouwatuo; sidi Israel bu mia pete donu miadzeüse tsiu mia krenyü chü tuotatuo.

Kediko Kenieu 17:7

Mha hau chüketa Israelmiakoe Jihova uko Kepenuopfü, Ijipt kijü nu Ijipt kediu Faro dzie nunu uko ze parkeshüu gei phouma tuotakecü la. Ukoe terhuo kekreiko rüsuo,

Kediko Kenieu 24:20

Süla Jihova noupfhüu Jerusalem nu mu Juda nu vor di puo mhodzü nunu uko whuo phrewa. Siro Zedekiae sie Babilon perhieta.

Isaya 24:5

Kijüu puo gei lhou kebako khronu puo perhu pfüzhüte; ukoe thezhoko vacie, rhükelie zhoko varhuo, di telhekechachie diekho-u varhuowa.

Jeremia 32:23

sidi sünu lelie di süu welie. Derei ukoe n die ze mo morei n zho nu tuolie mo, ukoe no chünukeshü yopuorei chülie mo. Süla noe mha kepeka hako pete pie uko gei vorshü.

Jeremia 32:24

Harie, mia kewhuomia puothou chüpfü nadiu perhie di lielietuoüzhie, mu nadiue, zhiecha, pekrie mu thepetheruo ze kesetuo, sidi uko ze keperhiekecü Chaldiamia dzie nu shüwatuo, no n thuo süu ngukeba tuoi.

Nuolhoutsüphrü 33:56

Mu a uko gei chüshütuoü kebau pie nieko gei chüshütatuo.

Pulakeshüzho 17:3

mu a chü hienukeshüu chü di terhuo kekrei lie chü morei niaki morei khrü morei teigei ketuo kro nu kehoupuorei rüsuota,

Pulakeshüzho 28:15

Derei noe Jihova n Kepenuopfü pfheu rünyü mo, mu menuo di a thie n ki pukeshü puo diekhakeshüko tsiu puo ahzako pete chüüzelie moro, rüse hako pete n gei vor mu n tso phretuo.

Pulakeshüzho 6:15

kekreilamonyü n donu keba Jihova n Kepenuopfü puo rokenyi puo zo. Jihova n Kepenuopfü nouyieu n gei sierta di puo bu kijüu zie geinu n pekawa rei si momu.

Capiko 2:14

Jihova nouyieu Israel gei tusieketa geinu puoe uko khapie mhavakecüko dzie nu shüwa, sidi süko bu uko vie vata, puoe uko zepie ngumvümia uko houpfü kebako dzie nu shüwa, sidi ukoe uko ngumvümia mhodzü thalie kenjüta.

Capiko 2:20

Süla Jihovae puo nou kerüpeu tu sier Israel petsouta di, “Seyie haue a uko puonuoko ki dietseidiekho khakeshüu varhuokewa mu a pfhe rünyü moketa la,

Samuel Kerieu 12:25

Derei nieko phouma tha zocü sie nieko rei mu nieko kediu rei pekawatuo.”