Joshua 23:11 - Angami Naga CL (Re-edited) Bible (BSI)

¹¹ Süla Jihova nie Kepenuopfü khriekecü nu pecü seliecie.

Joshua 23:11 Iomraidhean Croise

Toukepra 20:6

derei a khrie mu a diekhakeshüko zeyakezhamia gei we rüdi kemo kekhrie pie thephou thenyie ketso rei pekieshüya.

Mhasidie 4:23

N melou se mha kele nu menuolie; süu geinu kelhou metei paryakezha la.

LUK THUKESHÜ DIELIEKEVI 21:34

“Derei nieko nie nou meyhumezhie mu meze tsiu tsiedo kelhou ki mereiko chü di rüporüvüpfü ba, nieko le kemo kinu teisozha süu bu nie tewa moketuo la nie kirei baliecie;

Rommiako 8:28

Siro Ukepenuopfü khrieyakezhako puo mharhü la kiekelieko la zowe kehoupuo chü shierei u dze kevi la phre zokecü we si bate.

Korintmiako Kerieu 16:22

Kehoupuorei Niepuu khrieyakemo-u bu rüsekepfüu chücie! He-i Niepuu, vorliecie.

Korintmiako Kerieu 8:3

derei kehoupuorei Ukepenuopfü khrieyakezhau puo bu puo silieya.

Efesako 5:15

Süla nieko kimhie di lhou tuoya shiü menuoliecie. Mhasikemomia mhie mo di mhakesimia mhielie,

Pulakeshüzho 30:16

Noe a thie n ki pukeshü, Jihova n Kepenuopfü diekhakeshüko zelie di puo khrielie, puo chako nu tuolie, mu puo diekhakeshüko, puo ahzako mu pethokeshüko zelie ro; noe rheilietuo tsiu kruolietuo, mu no tsie pevielietuo üdi, vokezhü kijüu nu Jihova n Kepenuopfüe jashü n tsütuo.

Pulakeshüzho 30:20

Jihova n Kepenuopfü khrielie, puo die zelie, puo kutopfülie, süu n la kerheiro zo, mu n kelhou teisozhako zo, sitse noe Jihovae rüse di n puonuoko Abraham, Isak mu Jakob tsütuo ükeshü kijüu nu lhoulietuo.

Pulakeshüzho 4:15

Süla nie kireiliecie, Jihovae Horeb nu miu donunu nie ki die pukeshü nhie nie mharhi puorei ngu kemo la,

Pulakeshüzho 4:9

Menuou menuolie, mu pecü phi di n kelhou seliecie, n mhipie ngukeshüko rükra mota molieketuo la, sidi süko bu n rhei chie n nou kinu tuota molieketuo la; süko pie n nuonuo mu n tsunuoko pesishülie,

Ibriko 12:15

Miapuorei bu Ukepenuopfü u ngukemezhieu vajowa molieketuo la menuoliecie; moliro mha kepfhü bu tsü par nieko chü pesuowa di mia kekra bu rhuta rei si momu.

Joshua 22:5

Derei diekhakeshü mu thezho-u chüüzelieketuo la pecülie, süusü Jihova kituou Mosae nie bu Jihova nie Kepenuopfü khrielieketuo, puo cha pete nu tuolieketuo, puo diekhakeshüko zelie mu puo kutoi tuolie, tsiu nie nou pete, nie ruopfü pete se puo lie chü tuolienu di nie ki pukeshüu zo.”

Joshua 23:10

Nieko mia puo zorei mia nyie puo whuo petakewa chüshü, kekreilamonyü puo nie ki phrakeshü tuoi, nie la terhü chükeshüu sü Jihova nie Kepenuopfü zocü la.

Joshua 23:12

Mhanuü nieko rürei vo di lhiekelie nie donu keba seyie kekreiko penou di uko nuopfüko lie mu uko ze kesekeri ita ro,