Joshua 22:5 - Angami Naga CL (Re-edited) Bible (BSI)

⁵ Derei diekhakeshü mu thezho-u chüüzelieketuo la pecülie, süusü Jihova kituou Mosae nie bu Jihova nie Kepenuopfü khrielieketuo, puo cha pete nu tuolieketuo, puo diekhakeshüko zelie mu puo kutoi tuolie, tsiu nie nou pete, nie ruopfü pete se puo lie chü tuolienu di nie ki pukeshüu zo.”

Joshua 22:5 Iomraidhean Croise

Chieliko 106:3

Kethocau se tuoyakezhamia, tsiu kemiatho tho chü sei tuoyakezhamia thejakepfütho.

Chieliko 78:7

Silie ro uko rei uko kemerüu pie Ukepenuopfü gei balietuo, mu Ukepenuopfü mhathoko rükra motalie kelho la, sidi puo diekhakeshüko zelietuocü la.

Toukepra 15:26

“Niekoe pecü di Jihova nie Kepenuopfü pfhe rünyü, puo mhinguki mezhükecüko chü, puo diekhakeshüko rünyü mu puoe chünukecüko zeya ro, a Ijiptko gei kechü khakeshüko puorei pie nieko gei shülie lho; Ae Jihova, nie chü keshürhokeshüu zo.”

Toukepra 20:6

derei a khrie mu a diekhakeshüko zeyakezhamia gei we rüdi kemo kekhrie pie thephou thenyie ketso rei pekieshüya.

Toukepra 23:13

A n ki pukeshü pete le menuolie, sidi terhuo kekrei za puorei se cha hie, morei sikecü nie tie nunu pu par rei hie.

Toukepra 23:25

Nie Jihova nie Kepenuopfü rüsuotuo, mu ae nie niekhrüda mu nie dzü mhogei jashütuo; mu ae nie donu kechükenyü chü kelhiwatuo.

Mhasidie 4:23

N melou se mha kele nu menuolie; süu geinu kelhou metei paryakezha la.

Isaya 55:2

Kiüdi nie niekhrüda kemo puo la nie raka keza, mu u kelhuo chülie kelho puo la mhachü kemezhieya ga? A die rünyü menuolie, mu mha keviu cülie, tsiu kecüca keviko nie neilie.

Jeremia 12:16

Süsie, ukoe a themia zhoko thethochü di dojülie, a za nunu rüse di, “Jihova rhei ketuo tuoi” idi ukoe a mia pethapie Baal gei rüsekecü mhielie liro, uko bu a themiako donu lhoulietuo.

Mathi 22:37

Sitse Jisu sie puo ki, “ ‘No n melou pete se, mu n kerheiro pete se, mu n nou pete se Niepuu n Kepenuopfü khrietuo.’

Mathi 4:10

Sitse Jisu puo ki, “No tuotaliecie, Satan! Kekreilamonyü, ‘No Niepuu n Kepenuopfü rüsuo mu puo lie rübei chücü zotuo,’ sikecü thupie kezhü la.”

Mathi 6:24

“Miapuorei niepumia kenie kituo chü keduolie kenjü; siliro puo mia puo ngumecüta mu kekreiu khrietatuo; morei puo mia puo kitsa bata di kekreiu thitatuo. Nie Ukepenuopfü mu mamon kituo chü keduolie kenjü.

LUK THUKESHÜ DIELIEKEVI 1:74

u ngumvüko dzie nunu u kelalietuo üdi, michie mo di puo lie chütuoü,

Johan 12:26

Kehoupuorei a lie chüyakezhamia a siemedzituo, mu a kituomia a kebara batuo. Kehoupuorei a lie chükezhamia a Puou rei sümia rhutuo.

Johan 14:15

“Nieko a khrieya ro, nieko a diekhakeshüko zetuo.

Mhakechüko 11:23

Puo vo di Niepuu ngukemezhieu ngu di puo nei phita; puo uko pete bu thenou pete se dietho di Niepuu kitsa chüsechü tha zolienu tarhoshü.

Mhakechüko 27:23

Kekreilamonyü a puo vie mu puo rüsuoyakezhau Ukepenuopfü dieliemia puo n zhü vor a khieki thalie,

Rommiako 1:9

Siro a a nou se puo Nuou dze dieliekeviu zhapu chü di lietho chüyakezhau, mu a a kechako nu petewa mo di nieko rükra sei bayakecü Ukepenuopfü thuo a zhapu ba zo,

Rommiako 12:9

Kethera mo di mia khrielie; mha kesuo rütselie, mha keviu rüyalie;

Rommiako 8:28

Siro Ukepenuopfü khrieyakezhako puo mharhü la kiekelieko la zowe kehoupuo chü shierei u dze kevi la phre zokecü we si bate.

Pulakeshüzho 10:20

Noe Jihova n Kepenuopfü preituo, puo rübei rüsuotuo. Puo rübei kutsapfü tuotuo, mu puo za rübei se rüsetuo.

Pulakeshüzho 11:1

Süla noe Jihova n Kepenuopfü khrietuo, puo n pelekeshüko setuo, puo ahzako zetuo, puoe chünukecüko, mu puo diekhakeshüko ze seituo.

Pulakeshüzho 11:13

Tsiu niekoe a die ze di a thie nieko bu nie melou pete mu nie ruopfü pete se Jihova nie Kepenuopfü khrie mu puo lie chülienu di nie ki diekhakeshüko zelie ro,

Pulakeshüzho 11:22

Kekreilamonyü nie-e a nie ki diekhakeshü pete menuo di chüüze di Jihova nie Kepenuopfü khrie, mu puo chako pete nu tuo, tsiu puo kupfütuolie ro,

Pulakeshüzho 13:4

No Jihova n Kepenuopfü siemedzituo mu puo preituo, siro puo diekhakeshüko zetuo, mu puo pfhe rünyütuo, tsiu no puo lie chütuo mu puo kupfütuotuo.

Pulakeshüzho 4:29

Derei sünunu noe Jihova n Kepenuopfü pfhütuo, mu no n nou pete se, n ruopfü pete se puo pfhü ro puo ngulietuo.

Pulakeshüzho 4:4

Derei nieko, Jihova nie Kepenuopfü mengutsapfükelieko thie ketso rei rheiba zokecü la.

Pulakeshüzho 4:6

Süko zelie mu medzilie, süu pie mia mhingu nu nie mhasimhale chütuo, mu ukoe thezho hako pete sishü ro sie, “Ketho zo, seyie kezha hau sü mhasi mu mhacamhala kesi themia kro puo zo,” situo.

Pulakeshüzho 4:9

Menuou menuolie, mu pecü phi di n kelhou seliecie, n mhipie ngukeshüko rükra mota molieketuo la, sidi süko bu n rhei chie n nou kinu tuota molieketuo la; süko pie n nuonuo mu n tsunuoko pesishülie,

Pulakeshüzho 5:10

derei a khrie mu a diekhakeshüko zeyakezhamia gei we rüdi kemo kekhrie pie thephou thenyie ketso rei pekieshüya.

Pulakeshüzho 6:17

Nie Jihova nie Kepenuopfü diekhakeshüko, mu ahzako tsiu chünukecüko, nie pecü se di zetuo.

Ibriko 12:15

Miapuorei bu Ukepenuopfü u ngukemezhieu vajowa molieketuo la menuoliecie; moliro mha kepfhü bu tsü par nieko chü pesuowa di mia kekra bu rhuta rei si momu.

Jakob 1:12

Dophi nu rei shügeshühie thalieyakezhamia thejakepfütho. Sikecümia u kedokecü nu thakelie la kerhei tsüre Niepuue pie puo khrieyakezhako tsütuo üdi phrapie kezhüu ngulietuo.

Jakob 2:5

A khrieko, rünyüliecie. Ukepenuopfüe kijü hanu mhakejüko kedapie uko bu kepeletsa mhakenyimia mu puo khrieyakezhako la phrapie kezhü kedirüvieu kayiemia chülieta mo üme?

Joshua 23:8

derei thie ketso nie Jihova nie Kepenuopfü kutokelie tuoi tuolie.

Pesikeshü 15:3

Tsiu ukoe Ukepenuopfü kituou Mosa tsaliu, mu Tekuonuo tsaliu chü tha! “Kuokejokejüu, Niepuu Ukepenuopfü, n mhathoko zha mu u ngo zalie! N chako sü mezhü mu ketho phre, seyieko Kediu!

Samuel Kerieu 12:20

Süki Samuel-e themiako ki, “Michieta hie; nieko mha kesuo chüwata zo, sirei Jihova therhieta hie, derei nie melou pete se Jihova lie chü zolie.

Samuel Kerieu 12:24

Jihova khrüprei zolie di nie melou pete se dietho di puo lie chülie. Sidi puoe mha kezha kedithede nie la chüshüte shi leshücie.

Samuel Kerieu 7:3

Sitse Samuel-e Israelmia pete ki pu di, “Mhanuü niekoe nieko melou pete se rürei Jihova kitsa vozhü üro nieko donu terhuo kekrei mu Astartko khawalie. Sidi nie melou kereipie Jihova kitsashülie, sidi puo lie rübei chülie, silie ro puoe Filistinmia dzie nunu nieko kelashü zotuo.”