Joshua 22:34 - Angami Naga CL (Re-edited) Bible (BSI)

³⁴ Sidi Reuben nuoko mu Gad nuokoe ruosuobau za üse Zhapu idi kielie, “Kekreilamonyü” ukoe sie, “Úko donu zhapuu sü Jihova Ukepenuopfü zo,” sidi pu.

Joshua 22:34 Iomraidhean Croise

Keriekitho 31:47

Siro Laban süu za pie Jegar-sahadutha chü; derei Jakob-e süu üse Galid chü.

Keriekitho 31:48

Laban sie, “Tsiepfhe hau bu thie avu donu zhapu puo chüte ho;” süla süu za pie Galid üta,

Kediko Kerieu 18:39

Tsiu themia pete süu ngu tse, ukoe tetsu uzie zerepfü di sie, “Jihovae Kepenuopfü zowe, Jihovae Kepenuopfü zowe.”

Isaya 19:19

Sünhie Ijipt kijüu metsuo nu Jihova la ruosuoba puo batuo mu puo tierieki Jihova la tsiese puo batuo.

Isaya 43:10

Nieko a zhapuko zo, Jihovae siya, a thuo kedakelieu, a kituou zo, nie bu silie di a pelelie, mu a sü puo zo ücü silieketuo la. A mhodzü terhuo kekrei puorei chüshü mo, morei a sie rei puorei chüshülie lho.

Mathi 4:10

Sitse Jisu puo ki, “No tuotaliecie, Satan! Kekreilamonyü, ‘No Niepuu n Kepenuopfü rüsuo mu puo lie rübei chücü zotuo,’ sikecü thupie kezhü la.”

Joshua 22:27

derei hieko mu nieko donu mu uko sie kelhoumia donu zhapu puo chüketuo la, sidi Jihova mhodzünu kethe ruosuo ruothoruori siro vitho ruosuoko khashü di puo lietho chü kevor thashüketuo la; mu silie liro tsiesie nie nuonuoe hie nuonuo ki, “Jihova kitsa nie ya jü,” ikecü pu molietuo.’

Joshua 24:27

Sidi Joshuae themiako ki, “Meholiecie, ketsie hau bu u petsoukecü zhapupuo chütuo; we Jihova die u ki pukeshü peteko siliete; süla nie nie Kepenuopfü gei tijüta liro, hau bu nie kepetsou zhapu puo chütuo.”