Joshua 22:31 - Angami Naga CL (Re-edited) Bible (BSI)

³¹ Sidi Eliazar zievo-u nuou Finehas-e Reuben nuoko, Gad nuoko mu Manasseh nuoko ki, “Jihova u ze tuo zokecü hie siliete, niekoe Jihova gei jo, cürüwa kemo la, niekoe Jihova dzie nunu Israelko kelalashüta zo” sishü.

Joshua 22:31 Iomraidhean Croise

Seyiedze Kenieu 15:2

Sidi puo Asa ze kesetuoü vo di sie puo ki, “Asa mu Juda pete, mu Benjamin a pfhe rünyüshücie: Jihovae nie puo ze ketuo chie nie zetuoya. Nieko puo pfhülie ro nie bu puo ngulie zotuo, derei nieko puo khawa ro puo nie khawatuo.

Ezra 7:5

Abishua nuou, Finehas nuou, Eliazar nuou, Aron zievo kezhau nuou.

Chieliko 68:17

Ukepenuopfüe kierbagei kevitho, nyie kercü va kenie; nyienyiekecü se di; Jihovae Sinai geinu puo kemesa chü nu tsur.

Toukepra 25:8

Siro uko bu a la kemesachü puo chüshülie, a bu uko donu balieketuo la.

Isaya 12:6

Shielie mu nie nei di kelilie, he-i Zion nu kelhouko, Israel Kemesau nie donu zha phi zocü la.

Zekaria 8:23

Krodiko Jihovae puya: Süteiki seyieko nunu mia ker Judamia puo pfhe teshülie di, “Hie bu nie ze vocie, Ukepenuopfü nie ze tuokecü hie sikecü la,” situo.

Mathi 1:23

“Harie, rüü phousepfü nuonipfülie di thepfunuomia puo penuolietuo, mu uko puo za thopie Immanuel chütuo,” mu Immanuel ca, “Ukepenuopfü u ze bate,” isi.

Korintmiako Kerieu 14:25

Sidi pelekemo-u nou pekhrepfü ketuoko hielashüya, sidi puoe zeretsu Ukepenuopfü rüsuo di, “Nieko donu Ukepenuopfü ba ketho zo” idi phratatuo.

Joshua 22:30

Finehas zievo-u mu kehou krüta tsiu puo ze ketuo Israel puotsanuo mu peyukoe Reuben nuoko, Gad nuoko mu Manasseh nuoko diepu sipie uko neilie.

Joshua 22:32

Sidi Eliazar nuo Finehas mu krütakoe Gilid kijü nunu, Reuben nuoko mu Gad nuoko ze kekhota di Kanan kijü nu Israelko ki la vorta, sidi dieu se vor uko ki pushü.

Joshua 3:10

Joshua sie, “Nieko hanunu rhei tuoyakezha Ukepenuopfü nieko donu ba ücü mu nieko mhodzü nunu Kananko, Hitko, Hivko, Perizko, Girgashko, Amorko mu Jebusko whuo touwa zotuocü silietuo.