Joshua 22:27 - Angami Naga CL (Re-edited) Bible (BSI)

²⁷ derei hieko mu nieko donu mu uko sie kelhoumia donu zhapu puo chüketuo la, sidi Jihova mhodzünu kethe ruosuo ruothoruori siro vitho ruosuoko khashü di puo lietho chü kevor thashüketuo la; mu silie liro tsiesie nie nuonuoe hie nuonuo ki, “Jihova kitsa nie ya jü,” ikecü pu molietuo.’

Joshua 22:27 Iomraidhean Croise

Keriekitho 31:48

Laban sie, “Tsiepfhe hau bu thie avu donu zhapu puo chüte ho;” süla süu za pie Galid üta,

Keriekitho 31:52

A n pechütuoü morei n bu a pechütuoü tsiese hau morei tsiepfhe hau cie volie lho ücü, tsiepfhe hau bu zhapu chü mu tsiese hau bu zhapu chütuowe.

Chieliko 16:5

Jihova sü kedakelie a yau mu a hie zo; no a yase baliete.

Isaya 19:19

Sünhie Ijipt kijüu metsuo nu Jihova la ruosuoba puo batuo mu puo tierieki Jihova la tsiese puo batuo.

Pulakeshüzho 12:11

siro Jihova nie Kepenuopfüe puo za bu sünu baketuo la thechü puo kedalietuo, sidi a nie ki pukeshü pete pie sünu vortuo nie kethe ruosuoko, nie ruothoko, nie ker-zapuoko mu nie keneisephra khakeshüko, mu nie Jihova ki phrakeshü la khakeshüko.

Joshua 22:10

Mu ukoe Kanan kijü Jordan tsatie vorlie tse; Reuben nuoko, Gad nuoko mu Manasseh yie tietsako Jordan khie nu ruosuoba kezha phi puo chüshü.

Joshua 22:26

Süla hiekoe sie, ‘Úko keze ruosuoba puo chükecü lelie khe, süu kethe ruosuo morei ruotho la mo;

Joshua 22:28

Süla hie lekecü, die sikecü pie hie ki rei morei hasie hie nuosenuoyie ki rei pusie ro hie-e, ‘Harie meholiecie, Jihova ruosuoba rhiu hie puonuokoe chükecüu, kethe ruosuo morei ruotho la mo; derei hieko mu nieko donu zhapu puo la zo.’

Joshua 22:34

Sidi Reuben nuoko mu Gad nuokoe ruosuobau za üse Zhapu idi kielie, “Kekreilamonyü” ukoe sie, “Úko donu zhapuu sü Jihova Ukepenuopfü zo,” sidi pu.

Joshua 24:27

Sidi Joshuae themiako ki, “Meholiecie, ketsie hau bu u petsoukecü zhapupuo chütuo; we Jihova die u ki pukeshü peteko siliete; süla nie nie Kepenuopfü gei tijüta liro, hau bu nie kepetsou zhapu puo chütuo.”

Samuel Kerieu 7:12

Sitse Samuel-e ketsie puo chülie, di süu pie Mizpa mu Jeshana unie donu seshü di puoe süu üse Ebenezer üdi kielie, puoe, “Jihovae ha ketso u khruohi vorshü zo” idi.