Joshua 22:25 - Angami Naga CL (Re-edited) Bible (BSI)

²⁵ Jihovae Jordan pie nieko Reubenmiako, Gadmiako mu hieko donu therie chüshüwate mu Jihova kitsa nie ya puorei jü’ idi puketa keprei la, sita ro nie nuonuokoe hie nuonuo chüpie uko bu Jihova prei motalie vi.

Joshua 22:25 Iomraidhean Croise

Samuel Kenieu 20:1

Siro sünu themia kesuo puo baya, puo zae Sheba, Bikri nuou, Benjaminmia. Siru puoe ketsü khoushü di sie, “Úko David kitsa u ya ba mo, Jese nuou kitsa uya jü! Kehoupuorei u thuo u pfheki nu votalie, he-i Israel!” sidi shieshü.

Kediko Kerieu 12:16

Siro Israelmia pete rei kediu uko die rünyü moketa ngu tse, themiakoe sie kediu ki, “David kitsatie hie ya kedipuo ba ga? Hieko we Jese nuou kinu kayie puorei jü. He-i Israel! Tuo nie pfheki nu votalie! Tsie n thuo n ki meholiecie, David.” Sidi Israel-e u pfhekiko nu vota.

Kediko Kerieu 14:16

Mu puoe Jeroboam kephoumako la nu Israel khakegewatuo, puoe phoumawate, mu Israel chü kephoumawate.”

Kediko Kerieu 15:30

Kekreilamonyü Jeroboam kephouma kechü lanu Israel chüpie phoumawa, mu puoe Jihova, Israel Kepenuopfü nou chü kemeyiekeshü la.

Nehemia 2:20

Sitse a sie uko ki, “Teigei ketuo Kepenuopfü, Puo hieko khruoshütuo; süla hie puo kituoko sie di chütuo; derei nieko we Jerusalem nu nie ya, nie mezhü, morei nie dzeüse puorei tuo mo.”

Chieliko 16:5

Jihova sü kedakelie a yau mu a hie zo; no a yase baliete.

Mhakechüko 8:21

No mha hau nu n za morei n ya puorei ba mo, kekreilamonyü n noue Ukepenuopfü mhodzü puotou ba mo.

Joshua 22:24

Süu la mo zo! Derei thiesie nie nuosenuoyie-e hie nuosenuoyie ki, ‘Nieko we Jihova Israel Kepenuopfü ze kedipuo chüketuo ba ga?

Joshua 22:26

Süla hiekoe sie, ‘Úko keze ruosuoba puo chükecü lelie khe, süu kethe ruosuo morei ruotho la mo;

Joshua 22:27

derei hieko mu nieko donu mu uko sie kelhoumia donu zhapu puo chüketuo la, sidi Jihova mhodzünu kethe ruosuo ruothoruori siro vitho ruosuoko khashü di puo lietho chü kevor thashüketuo la; mu silie liro tsiesie nie nuonuoe hie nuonuo ki, “Jihova kitsa nie ya jü,” ikecü pu molietuo.’

Samuel Kerieu 26:19

Süla tsie a niepuu kediu bu puo kituou pfhe rünyüshücie. Mhanuü Jihova n hüshü di n bu sier a petsouta üliro, puo bu ruosuo puo lieliecie; derei mhanuü süue themia geinuta üro, uko bu Jihova mhodzü rüsepfütacie, kekreilamonyü ukoe Jihova kayie kha a ketsü a yau nunu thie a whuowa, sidi sie ‘Vo di terhuo kekrei lie chütacie,’ ite.