Joshua 22:22 - Angami Naga CL (Re-edited) Bible (BSI)

²² “Jihova, terhuoko mho Kepenuopfüu! Jihova terhuoko mho Kepenuopfüu! Puoe si ba; mu Israel bu rei siliecie! Hauha Jihova perhiepetsoukecü mhatho puo chüta üro, thie hieko perheishü hiecie;

Joshua 22:22 Iomraidhean Croise

Kediko Kerieu 8:39

teigei n kebachü nunu rünyüshücie, sidi kejo vashü tsücie, sidi chüshüyi, mu mia puopuokecü puo mhatho kheki sü chüshü tsücie, uko melou nu kedipuo ba shikecü noe si ba, (kekreilamonyü n rübei zokecüu ha, themia nuonuo melou nu kedipuo tuo shikecü siya).

JOB LESHÜDAU 10:7

A jo mokecü no si ba ze; mu miapuorei n dzie nunu tapralie lho zokecü la.

JOB LESHÜDAU 23:10

Derei a kevo chau si ba, puo a dojükewa sie a suna tuoi partatuo.

JOB LESHÜDAU 31:22

a bou bu a bouka kere nunu rüzu tsutacie, tsiu a bou ru bu tseütsatacie.

Chieliko 136:2

Kethezie pie terhuoko Rhuou Ukepenuopfü tsücie! Puo kekhrie rüdirüli kemoe kechachie baya.

Chieliko 37:6

Tsiu puoe n kemiatho se par kezie mhieshütuo, mu n kemezhü chüpie khinhieluo mhiewatuo.

Chieliko 40:9

A mechükehou kezha nu kemiatho dze pie zhapu chüshü; harie, a a tie kekha mo; harie, Jihova, no si ba.

Chieliko 44:21

Ukepenuopfüe haha silie motatuo me? Puoe mia nou kepekhreko siyacü la.

Chieliko 44:22

N la mia bu zhate hie dukhri, tekuo dukhrituoü baketako tuoi hie phrülie.

Chieliko 50:1

Kekuo Ukepenuopfü, Jihovae niakithu kepar nunu kele ketso, kijüu ki mha pu mu kieya.

Chieliko 82:1

Kepenuopfüe teigei kehou nu puo ba nu baliete; puoe terhuoko donu theca pepishüya.

Chieliko 95:3

Jihovae Ukepenuopfü kezha puocü la, terhuo peteko mho Kedi kezhau zo.

Chieliko 97:7

Mirhi kerüsuoko pete pie thenga nu shüwa, puoma kejü miarhiko se u mholie chü ketuoko; terhuoko pete puo mhodzünu nuketsu.

Toukepra 18:11

Tsie we a Jihova terhuo kekrei pete ki zhakuokecü siliete, kekreilamonyü puoe Ijiptmiako uko gei kelhie phi keba nunu uko ze parlieketa silie.”

Jeremia 12:3

Derei no we, he-i Jihova, a si ba; No a ngu di a dojüshü, a melou n ze tuo zo. Tekuo dukhrituoü ketuo tuoi uko teshü thalietacie, tsiu dukhriwaketuo nhie la uko shükholietacie.

Jeremia 17:10

A Jihovae themia nou dojü mu themia melou kevikesuo pfhüya, uko zho ki ze, tsiu uko mhatho kheki sü chü khashütuo ükecü la.

Daniel 11:36

“Kediu puo thuo puo medo-u chütuo. Sidi puo thuo puo chü kerükrie mu terhuo pete ki rei zhakuoü sietuo, sidi terhuoko Kepenuopfü ngukemvü die kemeriekecü putuo. Puoe noupfhü teiu tsei kemochie kruo miemie volietuo, kekreilamonyü chütuo üdi rhüpie kebau chü zotuokecü la.

Daniel 2:47

Siro kediu Daniel ki, “Ketho zo, n Kepenuopfüe terhuoko mho Kepenuopfüta zo, mu kediko mho Niepuu tsiu mha kepekhreko hielashüyakezhau zo, noe mha kepekhre hau hielashütakecü la.”

Mika 7:9

Jihova nouyieu a toupfü morosuo zo, kekreilamonyü a puo gei phoumawaketa la, puo a kitsa vorlie kemochie, mu a la ketsokecüu khashü kemochie. Puo a ze kezieu nu parshütuo; a puo ketho-u thashüketuou ngutuo.

Malaki 3:18

Sitse nieko kemiathomia tsiu kerüzhümia si kekreilietuo, Kepenuopfü lie chüyakezhako mu chüya kemoko.

Johan 21:17

Puo va seu puo ki, “Johan nuou Simon no a khrieya mo?” Pitor Jisu va se puo ki, “No a khrieya mo?” iketa la puo nousuota. Jisu sie puo ki, “A kuoko vachüliecie.

Mhakechüko 1:24

Sidi uko cha di sie, “Niepuu, no kehoupuo nou rei siya. Süla no hanie supuo kedaliete shicü hie ki pucie,

Mhakechüko 25:11

A thezho-u varhuo liro mu sia kesü mhatho huo chüwata üro, a sia rei mvü mo zo; derei a pejo ketha die hakoha puorei ketho mo ücü sie miapuorei a khapie uko dzie nu shüwalie kenjü. A Kaisar bu a nyie kecütuo.”

Korintmiako Kenieu 11:11

Kiüdi ga? A nieko khrie mote me? Nieko khriekecü Ukepenuopfü thuo si ba!

Korintmiako Kenieu 11:31

Ukepenuopfü mu u Niepu Jisu Khrista Puou, a tijü mo ücü si ba (Puo bu kechachie thetshepfükelieu chücie!)

Korintmiako Kenieu 5:11

Süla hie Niepuu khrüprei morokesuo si di süu se mia hü tuoya; derei Ukepenuopfü hie si tsei ba, mu a kemerü nie rei nie nou nu hie si baketuo pele.

Pulakeshüzho 10:17

Kekreilamonyü Jihova nie Kepenuopfüe terhuoko Rhuou, mu niepuko Niepuu, kezha, kekuo tsiu kemeriekecü Kepenuopfü puo, miapuorei khrie pekreiya mo, mu theso lieya mo.

Timothi Kerieu 6:16

Puo rübei siaüjütalie kelho-u mu miapuorei penuo volie kelho kezie nu lhou kebau, miapuorei puo ngu mo mu ngu reilie lho; puo bu telhekechachie therhupfü mu kedi chücie. Amen.

Ibriko 4:13

Mu puo mhodzünu chüpie keba kerheiro puorei rüshükelie jü, sizomonyü we puo mhodzünu u thuo u rüli pie pu phre zoketuou mhi nu zowe mha peteko hielapie meyiemeluopfü ba zo.

Joshua 22:21

Sitse Reubenmia, Gadmia mu Manasseh yie tietsakoe Israel krütako die kela di pucü;

Pesikeshü 19:16

Puo pfheneiu mu puo do geinu theza puo, “kediko mho Kediu mu niepuko mho Niepuu,” icü thupfü tuo.

Pesikeshü 2:23

mu a puo nuonuoko dukhriwatuo. Sidi kehouko pete bu ae mia kelekemedo tsiu mia melouko silieyakezhau ücü silietuo, mu nie mia puopuo mhatho geinu zhakhra chü lapie tsütuo.

Samuel Kerieu 15:23

Siro mia petsoukecüe themoukecü kephouma mhie zo, tsiu u nou kekhrüe mha kesuo kechü terhuorhi kerüsuomia mhie zo. Noe Jihova die meliewaketa la, puo rei n kedi meliewate.”

Samuel Kerieu 2:3

Kelhiekecü die pu sa hietacie, kemelhacü die bu n tie nunu par sa hietalie; Jihovae kesikele Kepenuopfücü la, Puoe mia mhathoko mejüya.