Joshua 22:18 - Angami Naga CL (Re-edited) Bible (BSI)

¹⁸ mu tsie rei nie Jihova kinu rürei latatuo üya le? Nieko thie we Jihova perhiepetsou ba, sodu puo Israel mechükehouu pete gei puo nei mo siertuo.

Joshua 22:18 Iomraidhean Croise

Samuel Kenieu 24:1

Siro Jihovae Israel gei puo nou meyie lata, sidi puoe David nou chüpie uko petsou di sie, “Vo di Israel mu Juda themiako phrücie,” si.

Kediko Kerieu 9:6

Derei mhanuü noe a siemedzi mo di rürei kekreitsa vota, no morei n nuonuo rei, sidi a pie n mhodzünu keshü dieko tsiu a zhoko mu a khakeshüko chüüzelie mota, di vo terhuo kekrei lie chü tsiu süko rüsuotuota ro,

Kediko Kenieu 17:21

Puoe David kiu nu Israel cierhawa tse, ukoe Nebat nuou Jeroboam bu kedi chülie, Jeroboam-e Israel Jihova siemedzi ketuo nunu whuowa, sidi uko bu phouma da mota.

Seyiedze Kerieu 21:1

Satan Israel ngumvü di David meshüpie puo bu Israel phrütuo üta.

Seyiedze Kerieu 21:14

Süla Jihova thepe puo ketsepie Israel gei shü, sidi sünu Israelmia nyie hiethenie krüta.

Seyiedze Kenieu 25:27

Amazia Jihova kinu rüreiketa yawinu mia Jerusalem nu puo ngukemvü do rhü ba zota, sidi puo ta Lakish nu vota. Derei mia sünu puo pfhü vo di puo dukhriwa.

Seyiedze Kenieu 34:33

Siro Josia Israelmia kijü pete nu kerütsekecü pete chü phrewa, di Israel nu ketuo pete bu Jihova uko Kepenuopfü rüsuolie. Puo kelhou chie uko Jihova uko puonuoko Kepenuopfü kinu rüreita mo zo balie.

Levimiako 10:6

Sitse Mosae Aron tsiu puo nuonie Eliazar mu Ithamar ki, “Nie tsütha bie kenyha hie, mu nie pfhenei cierha hie, nie siata rei si momu, siro mechükehou pete gei noupfhü vorta rei si momu; derei nie siezedzürieko, Israel kinumia pete bu Jihova mi ketsepie thekewau krükraliecie.

Nuolhoutsüphrü 16:22

Sitse unie unie zie pesupfü di sie, “He-i Kepenuopfü, themia puo ruopfü kenyi pete Kepenuopfü, mia puo kephouma la no mechükehouu pete gei n nei motatuo me?”

Nuolhoutsüphrü 32:15

Kekreilamonyü nie puo siemedzi mo di rüreita ro, puoe rayha nunu nie khawa di nie la themia hako pete pekawatuo.”

Pulakeshüzho 7:4

kekreilamonyü ukoe n nuo khriesako kewhipie uko bu a medzi mo di terhuo kekrei rüsuota zotuo, sitse Jihova noupfhüu nie gei tuvütuo, sidi puoe n peka mhawatuo.

Joshua 22:15

Ukoe Gilid nu vorlie di Reubenmia, Gadmia mu Manasseh yie tietsako ki,

Joshua 22:16

“Jihova mechükehouu pete hamhie di pu, ‘Kiüdi niekoe Israelmia Kepenuopfü gei mha kesuo chü mu Jihova siekemedzi nunu rüreitatuoü, siro Jihova perhiepetsoutuo üdi ruosuoba hamhiecü chüya ga?

Joshua 22:20

Zera nuou Akan kenyü vie pielie di phoumakewa la noupfhüu Israel mechükehouu gei vor mo üme? Mu puo kejo la puo rübei sia mo.’ ”

Joshua 7:1

Derei Israelko kenyü vie nu kejo chüwa. Süu Akan ükecü Karmi nuou mu Zabdi tsuu zo, siro Juda yiemia donu Zera chienuomia puo kenyü vie chülieketa la Jihova noupfhü Israel gei tu sierta.

Joshua 7:11

Israel-e phoumawate; ukoe a uko ki diekhakeshü dietseidiekho-u varhuowate. Ukoe kenyü vie huo chüliete; ukoe rügulie zorei meda di pie uko nya donu shüliete.

Joshua 7:21

A terhü mhavako donu Shinar nunu kechü pfhe kezivi mu rakachü shekel krie kenie, tsiu suna shekel hiepengou mesi bakecü puo ngushü tse, a süko mehoute, di süko pieliete. Mu harie, a pfheki nu rakachü bu pekhro di kijü nu süko keviepie zhü ho.”

Samuel Kerieu 12:14

Mhanuü niekoe Jihova preilie di puo lie chü, puo die ze, siro puo diekhakeshüko petsouta molie liro, tsiu nieko mu nieko mho di kebau rei Jihova rhulie liro mha pete puotou volietuo.

Samuel Kerieu 12:20

Süki Samuel-e themiako ki, “Michieta hie; nieko mha kesuo chüwata zo, sirei Jihova therhieta hie, derei nie melou pete se Jihova lie chü zolie.