Joshua 21:44 - Angami Naga CL (Re-edited) Bible (BSI)

⁴⁴ Siro Jihovae uko puonuoko ki rüsekeshü tuoi puoe kuokelie tsiu kerülei kha uko tsü, mu ngumvümia puorei uko mhodzü thalie mo,

Joshua 21:44 Iomraidhean Croise

Seyiedze Kenieu 13:16

Israelko Juda mhodzü nunu tata, mu Kepenuopfü süko khapie uko dzie nu shüwa.

Toukepra 23:31

Mu ae Kemerie Dzükezha nunu Filistinko dzükezha ketso, mu rayha nunu vo Eufrat ketso pie n kijü rie chütuo; ae rünau nu kelhouko khapie n dzie nu shüwatuo, mu nie mhodzü nunu uko whuowatuo.

Toukepra 33:14

Mu puoe sie, “A n ze sei tuo zotuo, mu a kerülei pie n tsütuo.”

Isaya 63:14

Periko razhau nu ketsu tuoi, Jihova ruopfüu kerülei pie uko tsü. Sidi no n za bu vithedze chüketuo la n themiako cha thashü.

Pulakeshüzho 2:36

Arnon Rüu khieki keba Aroer nu mu razha nu keba nadiu nunu Gilid ketso u la nadi kuothorkecü puorei tuo mo; Jihova úko Kepenuopfüe pete pie u tsüshü.

Pulakeshüzho 21:10

N ngumvümia ze terhü chü pra di Jihova n Kepenuopfü uko khapie n dzie nu shüwa, di no uko tepie n die chülie.

Ibriko 4:9

Süla Ukepenuopfü themiako la zo we tsie rei sabat kerülei puo ba zo;

Joshua 1:13

“Jihova kituou Mosae nie ki diekhashü di, ‘Jihova nie Kepenuopfüe kijüu nie tsü di pie nie kerülei chü chütuo ükeshüu rükraliecie.’

Joshua 1:15

nie-e Jihova nie Kepenuopfüe khapie uko ketsüu pevielie kemochie tuo zo votuo. Sidi puoe khrukhrekecü tei khapie Israel seyieko tsüshüta ro, süze nie-e Jihova kituou, Mosae kha nie ketsü Jordan niathutsa nie kijü haki la vor lhoulietuo.”

Joshua 1:5

No rhei ketuo chie miapuorei n penyülie lho. Ae Mosa ze ketuo tuoi n ze tuotuo. A n vajowalie lho morei n khawalie lho zo.

Joshua 11:12

Siro Joshuae nadiko pete siro süko kediko pete lielie, di dukhri phrewa, mu süko pekaperuowa, Jihova kituou Mosae diekhakeshü tuoi.

Joshua 11:23

Jihovae Mosa ki pukeshü tuoi di Joshuae kijüu pete lielie; sidi Joshuae Israel bu puo kayie chünu di kezapie seyie puopuo ya chüshü. Sidi kijüu terhü kechü nu rüleilie.

Joshua 11:8

Ru Jihovae Israel bu uko mho kuokelie khashü, sidi Israelkoe uko whuo, gei izo pesotsa Misrefot-maim tsiu Sidon Kezhau ketso vo, mu niathutsatie Mizpa razhau ketso zo vo. Ukoe ngumvüko miapuorei perheishü mo zo di pete geiwa kemochie terhü chü.

Joshua 2:24

Siro unie puo ki pu sakecü, “Jihovae kijüu pete pie úko tsüwaketa hie si touta zo, mu harie, sünu kelhouko pete u prei di michie bate,” sishü.

Joshua 22:4

Siro puo die phrakeshü mhie, Jihova nie Kepenuopfü kerülei pie nie siezedzürieko tsüshüte, süla tsie Jihova kituou Mosae se nie ketsü kijü, Jordan niathutsa, nie ra, nie ki nu la volie.

Joshua 22:9

Süsie Reuben nuoko, Gad nuoko, mu Manasseh yie tietsapuo kinu la vorta, Kanan kijü, Shilo nunu Israelmia kekreiko ze kekhota di Gilid, süu Jihovae Mosa ki diekhashü di pie uko ketsü kijüu nu voketuo la tuota.

Joshua 23:1

Puotei kecha vota mu Jihovae uko houpfü keba ngumvümia peteko kinu kerülei pie Israel tsüshüta, siro Joshua tsata, tsiu phichüta.