Joshua 21:43 - Angami Naga CL (Re-edited) Bible (BSI)

⁴³ Sidi Jihovae uko puonuoko tsütuoü phrakeshü kijü pete pie Israel tsüshü, mu ukoe süu pevielie di sünu bata.

Joshua 21:43 Iomraidhean Croise

Keriekitho 12:7

Sitse Jihovae Abram pengushü di puo ki, “A kijü hau khapie n nuosenuoyie tsütuo.” Süsie Abram-e sükinu ruosuoba puo chüpie puo pengukeshü Jihova tsü.

Keriekitho 13:15

ae n bu n mhipie kengu kijü pete pie no mu n nuosenuoyieko tsütuo, tsiu süu kechachie n vie chütuo.

Keriekitho 28:4

Puo bu Abraham thejau pie n tsülie, no mu n ze ketuo n nuosenuoyieko pete, sidi n bu rühou ketuo kijüko Ukepenuopfüe khapie Abraham tsüwaketa kijüko pie n vie chülietuo.”

Seyiedze Kenieu 20:8

Ukoe sünu lhou vorliete, sidi n za la kemesachü puo chüpie sünu shülie di pukecü,

Nehemia 9:24

Süla u nuosenuoyiekoe vo kijüu welie, siro noe uko mhodzünu kijüu nu kelhouko, Kananmia penyüshü, sidi uko bu u medo chülietuoü, uko kediko, mu kijü nu themiako khapie uko dzie nu shü.

Nehemia 9:8

tsiu n mhodzüki puoe dietho ba di ngulie, sidi Kananmia, Hitmia, Amormia, Perizmia, Jebusmia mu Girgashmia kijü khashü puo tsütuoü puo ze dietseidiekholie, sidi n die phrakeshüu chü tseishü, noe dietho zokecü la.

Chieliko 105:8

Puo kechachie puo dietseidiekho-u rükra sei tuoya, thephou thenyie-e ki pukeshü dieu.

Chieliko 44:3

Uko thuo uko zhiecha üse kijüu pevielie mo, morei uko boue uko kelashü mo zo; derei n dzie n zatsa mu n boue, tsiu n zie kezie thuo zo, no uko khrieketa la zo.

Chieliko 78:55

Puoe uko mhodzü nunu seyieko whuowa; sidi kijüko kezapie uko tsü di uko bu pevielie, mu Israel seyieko bu uko pfhekiko nu lhou.

Toukepra 3:8

mu a Ijiptmia dzie nunu uko shüphralietuo üdi kerwe, siro kijü sünunu uko ze kijü kevi mu kemeya puo mithunudzü mu mepfhidzü krukezhü kijü puo nu pralieketuo la, kijü süu Kananko, Hitko, Amorko, Perizko, Hivko mu Jebusko kebachü.

Jeremia 32:23

sidi sünu lelie di süu welie. Derei ukoe n die ze mo morei n zho nu tuolie mo, ukoe no chünukeshü yopuorei chülie mo. Süla noe mha kepeka hako pete pie uko gei vorshü.

Nuolhoutsüphrü 33:53

Mu nie kijü pevielie di sünu lhoulietuo, kekreilamonyü nieko bu pie nie rüvie chütuo üdi ae kijüu pie nie tsüwate.

Nuolhoutsüphrü 34:2

Israelko bu die hau zelieketuo la uko ki pushücie: Nieko Kanan kijü nu kele ki (Kijü hau pie nie bu nie kayie kijü chütuo, Kanan kijü, therieko hako),

Pulakeshüzho 11:31

Jihova nie Kepenuopfüe se nie ketsü kijüu pevielieketuo la nie-e Jordan cie pra di letuo; mu nie-e süu pevielie di sünu lhoulie ro,

Pulakeshüzho 12:29

Jihova n Kepenuopfüe no vo uko vie lielieketuo seyieko n mhodzü nunu dathewa, tsiu noe uko vie lielie di uko kijü nu balie ro,

Pulakeshüzho 17:14

Noe Jihova n Kepenuopfü se n ketsü kijüu nu vorlie, di süu pevielie, mu sünu lhoulie tse sie, “A rei seyie kekrei a khieki kebako tuoi kedi puo pie a mho batuo” ilie ro,

Pulakeshüzho 34:4

Sitse Jihovae sie puo ki, “Abraham, Isak mu Jakob ki rüse di, ‘A hau pie nie nuosenuoyie tsütuo’; idi pupie kezhü kijüu sü hau. A n bu n mhipie ngushüte, derei n bu we sünu pfülie lho.”

Joshua 1:6

Meteilie mu thepfulie, kekreilamonyü noe themia hako krüta chü di ae khapie tsütuo üdi uko puonuoko ki phrakeshü kijüu welietuocü la.

Joshua 21:42

Nadi hako puopuokecü uko rierhuo nu kirituo nyi phre.

Capiko 11:24

N rhuou Kemosh pie n ketsüu pie n vie chülie lho me? Sütuoi Jihova hie Kepenuopfüe kha hie tsükeshüko hie-e süko pevie motuo me?

Samuel Kerieu 12:8

Jakob mu puo kinuko Ijipt nu tsukelie ki Ijiptmiako uko pese seta, sitse nie puonuokoe Jihova ki rükhruoshü ru Jihovae Mosa mu Aron unie ketseshü, di unie bu nie puonuoko ze par di uko bu thechü hanu lhoulie.