Joshua 20:8 - Angami Naga CL (Re-edited) Bible (BSI)

⁸ Siro Jordan tsekepra Jeriko niathutsa Reuben yieko rüvie rayha kethekhra gei keba Bezer, mu Gad yiemia rüvie Gilid nu Ramot mu Manasseh yiemia rüvie Bashan nu Golan kedapie balie.

Joshua 20:8 Iomraidhean Croise

Kediko Kerieu 22:6

sitse Israel kediue siedzekesiko kie kengulie, uko mia krie dia mese, sidi sie uko ki, “A bu vo Ramot-gilid nu terhü chü tuo mo, a bu terhü chü hienu ta?” Sitse ukoe sie puo ki, “Khocie, kekreilamonyü Jihovae süu pie kediu dzie nu shüwatuo üzhie,” si.

Kediko Kenieu 8:28

Siro puoe Ahab nuou Joram ze terhü nu vo di Ramot-gilid nu Aram kediu Hazael ze kegei, ru Arammiae Joram bie kerüzawa.

Seyiedze Kerieu 6:78

mu Jordan khie Jeriko nu, Jordan niathutsa khie Jeriko nu, Jordan niathutsa Reuben seyie nunu: rayha nu Bezer mu puo kirituoko sa, Jahza mu puo nha kevi kijüko,

Seyiedze Kerieu 6:80

mu Gad seyieko nunu: Gilid nu Ramot mu puo kirituoko sa, Mahanaim mu puo kirituoko sa.

Pulakeshüzho 3:10

Kijü kemezhü gei keba nadiko pete mu Gilid pete mu Bashan pete, Saleka mu Edrei ketso, Bashan mu Og kedirüvie nu keba nadiko.

Pulakeshüzho 4:43

Rüna süko rayha kijü, kethekhra gei keba Bezer, Reubenmiako la, Gilid nu keba Ramot Gadmiako la, mu Bashan nu keba Golan Manassehko la.

Joshua 20:7

Süla ukoe Naftali kijüthou rüna Galil nu Kedesh, mu Efraim kijüthou rüna nu Shekem, tsiu Juda kijüthou rüna nu Kiriat-arba, (süu Hebron) hako kha kreipie balie.

Joshua 20:9

Nadi hako Israelmia pete la siro uko donu kelhou solhimia la rei themou kechü rünako zo, kehoupuorei puo chünyüchü mo di mia biekhrikewamia bu ta süko nu volie, mu mechükehou mhodzünu puo nyie kecüwa kemochie, sünu balie di thezie khepu kepfhüu bu puo dukhriwa molieketuo la.

Joshua 21:27

Siro Levi yiemia donu Gershonko la Manasseh niathutsako kinu Bashan nu keba Golan, themou kechü rüna puo mu puo kirituoko sa, tsiu Beshtera mu puo kirituoko idi rüna kenie.

Joshua 21:36

Siro Reuben rüvie nunu Bezer mu puo kirituoko, Jahza mu puo kirituoko,

Joshua 21:38

Siro Gad rüvie nunu Gilid nu Ramot mu kirituoko, themoumia rüguoketuo rünau, Mahanaim mu kirituoko,