Joshua 2:19 - Angami Naga CL (Re-edited) Bible (BSI)

¹⁹ Mhanuü mia puoe kiu cie pra di siata ro puo thuo puo tsügei zotuo, mu kejo-u hie pfülie kenjü; derei mhanuü kinu kebako mia puo gei rei thedzie khashüwa ro hie kejo-u pfü zotuo.

Joshua 2:19 Iomraidhean Croise

Samuel Kenieu 1:16

Siro David sie puo ki, “N zieu thuo n tsü gei pfütuo; kekreilamonyü n tie thuo n petsou di pukecü, ‘Ae Jihova kenhekelieu dukhriwate,’ ikeshü la.”

Samuel Kenieu 4:11

Siüliro themia kerüzhümia kemiathomia puo kiu nu, puo zhü geinu dukhriwaketa ha sü kezie rei ngulie zhü mo üme! Süla tsie puo zie a n dzie nunu lielie, sidi kijüu nu n pekawakecü mese mo üme?”

Kediko Kerieu 2:32

Jihovae puo zie pie puo tsü gei shütuo, puoe a puo David pesi mo di zhiecha pie puo ki miathokuo mu vikuokecü mia kenie dukhriwa, süniesü Abner, Ner nuou, Israelmia rüpfhünuo krütau, mu Amasa, Jether nuou, Judamia rüpfhünuo krütau.

Toukepra 12:13

Thezieue nie la zasi puo chütuo, nie keba kiko gei; ae thezie ngu ro, ae nie cie pratatuo, mu ae Ijipt kijüu vükeshü ki, thepetheruou nie gei tsur di nie pekawalie lho.

Toukepra 12:22

Siro hisop nha phro puo selie di pie seikhou nu keba thezieu selie, sidi pie kikha mho kiprüu mu kikha conie vüshülie; nieko miapuorei bu teisolie kemochie puo kikhau cie pralie lho.

Toukepra 12:23

Kekreilamonyü Jihovae Ijiptmiako biewaketuo la tuo pfüthe votuo; süki puoe kikha mho gei kiprüu mu kikha conie gei thezie ngu ro, Jihovae kikha mho cie votatuo, mu kepekau bu nie biewatuoü nie kinu lelie lho.

Levimiako 20:11

Puo puo kimia zezhükecüu puo puo kemenga kewheu rhuowate, unie pesiawatuo, mu unie zie unie tsü gei pfütuo.

Levimiako 20:9

Puo puo morei puo zuo rüsekecüu pie kesia nu shütuo; puoe puo puo mu puo zuo rüsewate, puo zie thuo puo tsü gei pfütuo.

Mathi 24:17

mu ki tsüle gei kebamia bu ki nunu mha chülietuoü la ke hie;

Mhakechüko 18:6

Uko puo petsou mu puo thata tse, puoe puo pfhe kesou di uko ki, “Nie zie bu nie tsügeituo! A mezhü zo. Thie yawinu a Judakemoko ki votatuo,” sita.

Mhakechüko 20:26

Süla thie a nieko mhodzünu pushüya ho, themia kehoupuorei kata rei süu zie a tsü gei mo ho,

Mhakechüko 27:31

Paul sie kriemhokezhau mu chüpahiko ki, “Themia hako rou gei ba zo kemosie, nieko kelalie kenjü,” sita.

Filipiko 3:9

sidi puo geinu a ngu reilieketuo la, siro thezho-u keze geinu a miatholie monyü Khrista pelekelie nunu zo, kemiatho süusü Ukepenuopfü kinu vorya mu kepele la zo.

Ibriko 10:29

Siliro, mia puoe Ukepenuopfü Nuou melieta, mu thezie pie chü kemesalie di dietseidiekhokelieu üse mesa kemo puo mhieita tsiu ngukemezhie Ruopfüu rei thiketamia süki rei puo siazha rekuo zhü mo me?

Joshua 2:12

Mu süla tsie, ae nnie gei vikeshü mhiei a kinuko gei rei vishüketuo Jihova za se a ki rüseshücie, mu a bu nie peleketuo zasi huo khashücie,

Joshua 2:14

Sitse unie-e puo ki, “Hie nie sou nu hie kerheiro khashü zotuo! Siro mhanuü noe hienie mhathoko se mia puo ki rei pu molie ro, hie rei Jihovae kijü hau kha hie ketsü nhie, n gei tseiüvi mu diethoshü zotuo,” sishü.

Joshua 2:20

Sirei noe hienie mhatho hau puwa ro, hienie rei no hienie bu n ki rüsekeshü dieu gei jo motatuo,” si.