Joshua 2:11 - Angami Naga CL (Re-edited) Bible (BSI)

¹¹ Hieko süu dze sishü tse michie phre bate; nieko la hie pete hie kethepfu tuo mote. Jihova nie Kepenuopfü sü tei pesogei mu kijü nu rei Kepenuopfü zo.

Joshua 2:11 Iomraidhean Croise

Kediko Kerieu 8:60

Sitse kijü nu themia pete-e Jihova sü Kepenuopfü zo ükecü tsiu puo sie kekrei tuo mokecü silietuo.

Kediko Kenieu 5:15

Süsie puo mu puo ze ketuo pete Kepenuopfü themiau ki vorlie, sidi puoe vor puo mhodzünu thalie, di sie, “Harie, a tsie we, Israel nu zo kemosie kijü pete nu Ukepenuopfü tuo mokecü siliete, süla tsie n kituou kinu mha hako lieliecie” sita.

Nehemia 6:16

Süki hie ngumvümia pete süu silie, siro hie khieümhou keba seyieko mha hako ngu tse, uko michie mu u thesuo seta, kekreilamonyü ukoe mhatho hau Ukepenuopfü thuo khruoshü di chülie zo ükecü ngulieketa la.

Esther 8:17

Tsiu kediu diekhakeshü siro thezho chükeshü rüna mu nadi kehoupuo nu rei kevora, süra Judako u nei mu unoumvü tsiu thehe chü, mu kerülei tei balie. Süsie rei süra nu themia kekra u thuo Judamia ü puta, Judamia kepreiu u gei vorketa la.

Chieliko 102:15

Seyieko Jihova zau preituo, mu kijü nu kediko pete n rhutuo.

Chieliko 22:14

A we perukewa dzü tuoite, a ruko pete a kereko ze ba kemo tuoite; a melou mepfhibuo tuoite, süu a merü nunu zete.

Chieliko 58:7

Uko bu dzü zetayakezha tuoi ze jütacie; mia bu kedekewa nha tuoi di uko bu rüwitacie.

Chieliko 83:18

Uko bu n rübei, puo zae Jihova ücü siliecie, kijü pete mho Kerükrietho-u.

Toukepra 15:14

Themiakoe si, ukoe peta; kelhokemezie thuo Filistia nu kelhouko teliete.

Toukepra 15:15

Edom nu peyuko u ziekejü chü bata; Moab krütako perüsürüsa bata; Kanan nu lhou keba pete ze jüte.

Isaya 13:7

Süla thedzie pete thachütatuo, mu themia pete melou ze jütatuo,

Isaya 19:1

Ijipt dze pukeshü die puo. Mehoshücie, Jihovae kimhou ta kevi puo gei ba di Ijipt nu vorzhie; Ijipt nu terhuorhiko puo mhodzünu petatuo, mu Ijiptmia melou uko nou nu ze jütatuo.

Ezekiel 21:15

Süla themiako melou thachü bate, tsiu mia kekra phi mesüwate. A uko kharu peteko nu zhiechau tha chüpie bate. Hou! Süu bie kemelei se bate, süu mia dukhriketuo la chü kemesaliete.

Nahum 2:10

Bie pesuokewa, peruokewa, mu pekakewa! U melou suo mu khoudza peta, chieca pete rüniete, thezie pete u thesuo sieite!

Pulakeshüzho 1:28

We kirapuo khotuoüzhü ga? U siezedzürieko bu u kede di sie, ‘Themiako u ki zha mu chakuo, nadiko zha mu dahou housie tei thu; mu sizomonyü hie sünu Anakim nuonuo ngu di hie melou bie kethachüwa.’ ”

Pulakeshüzho 20:8

Siro kezhakoe chüpahiko ki die hako pu sa di, “Supuonie mia prei mu puo melou thachü ba ga? Puo bu puo ki nu la votalie, puo zeko melou bie kethachüwalie vikecü la.”

Pulakeshüzho 4:39

Süla thie si mu le toulie, di süu pie n nou shülie, Jihovae tei pesogei mu kijü pekhro nu rei Ukepenuopfü zo, kekrei puorei jü.

Joshua 14:8

A ze kekho themiako we vor u themiako nou chü kethachüwa, derei a we Jihova a Kepenuopfü siedzi chü tseishü zo.

Joshua 2:24

Siro unie puo ki pu sakecü, “Jihovae kijüu pete pie úko tsüwaketa hie si touta zo, mu harie, sünu kelhouko pete u prei di michie bate,” sishü.

Joshua 5:1

Jordan niakratsa keba Amor kediko pete mu dzükezha khie keba Kanan kediko pete Jihovae Jordan chü pesoshü di Israelko bu cie pralie ükecü dze sishü. Sitse ukoe Israelko la u melou suo mu michie phi bata.

Joshua 7:5

Ai themiakoe rünau kharu nunu uko whuo zotsur ketsie tsau Shebarim tso di kijüthou phi chasu kinu uko mia seresorou geiwa. Ru themiako melou thachüta mu thachü zo vo mekuteta.

Joshua 9:24

Sitse ukoe Joshua ki, “Jihova n Kepenuopfüe Puo kituou Mosa ki pushü di kijüu pete pie n tsüwa mu no penyü vorkezhü tuoi hanu lhou keba pete dukhri pejüwatuo ükecü hie silieketa la; mu hie-e hie kerheiro la rei michiethorta di hau chüwate.

Pesikeshü 6:16

sidi kijüthouko mu tsiekrieko kie di, “Metsur hie vupfüliecie sidi kediba gei kebau mhingu nunu mu Tekuonuou noupfhü nunu hie kevieshücie;