Joshua 18:12 - Angami Naga CL (Re-edited) Bible (BSI)

¹² Pesotsa uko rie Jordan nunu sede di pesotsa Jeriko kijükhru gei kho, sidi kijüthou rünau ze niakratsa va zotsu Bet-aven kijü rayhau nunu thela chü.

Joshua 18:12 Iomraidhean Croise

Hosea 10:5

Bet-aven nu thudonuoyo la Samaria nu kelhouko peba. Puo themiako süu la thekrü chütuo; mu puo miarhi kerüsuo zievoko süu la kratuo, puo thetshetherhu puo kinu tuoketa la.

Hosea 4:15

He-i Israel, no thethe lie zorei, Juda bu we jota hiecie. Gilgal nu le hie, morei Bet-aven nu kho hie, tsiu rüse di, “Jihova rhei ketuo tuoi,” isi hie.

Hosea 5:8

Gibia nu tekuo kiau khoushülie, Rama nu ketsüu khoushülie. Bet-aven nu kemichie vorkezhü pfheu shieshülie; Benjamin n sietsa mehoshülie!

Joshua 16:1

Josef kayieko tsükeshü kijüu therie pekhrotsa ro, Jeriko khie Jordan nu sede di niathutsa Jeriko dzüluo nu vo rayha tso, sidi Jeriko nunu kijüthou pfüthe zo kho Bethel tso;

Joshua 18:11

Siro dape nu Benjamin yiemia ya parlie, puotsanuo le di, tsiu Juda mu Josef yiemiako kijü donunu pie uko ya chüshü.

Joshua 2:1

Siro Nun nuou Joshua pekhre di mia rücieketuo la Shitim nunu mia kenie ketseshü di sie, “Vo di Kanan kijüu ba hurei Jeriko rieshüliecie,” si. Süla unie rünau nu vorlie di süzhü teizeizhau la Rahab ükecü thethenumiapfü puo kinu balie.

Joshua 3:16

dzü kru kerkezhüko kru sa mota, siro pfhepfü di Zarethan kepenuoki Adam ükecü nadiu ketso khapfü thata. Sidi Araba dzükezha, Kesia Dzükezhau nu tsu kezhüko dathe tseiwata, sidi themiako bu Jeriko rütsietsa pralie kevi chülie.

Joshua 6:1

Jeriko nadiu sü Israelko la puo kharu khatsapfü bata; miapuorei nadiu nu le morei pra mota.

Joshua 7:2

Joshuae Jeriko nunu themia ketsepie Bethel niathutsa Bet-aven khieki Ai rüna nu shü di uko ki “Kho di kijüu rieshücie,” si. Süla themiakoe kho Ai rieshü.

Joshua 8:15

Sidi Joshua mu Israelko pete kemichie rova di tase rayhatsa va vota.

Samuel Kerieu 13:5

Siro Filistinko rei Israelko ze kegeituo üdi, kierbagei nyie ser, kierkese themia nyie sorou mu themia krapie dzükezha khie huocanyo mhiei zocü keselie, di ukoe Bet-aven niathutsa Mikmash nu razhü chü balie.