Joshua 17:14 - Angami Naga CL (Re-edited) Bible (BSI)

¹⁴ Josef seyiekoe Joshua ki, “No kidi kijü za yopuo rübei pie hieko ya chükecü zo ga? Niepuu japie hieko ketsü la hieko themia kekra bate.”

Joshua 17:14 Iomraidhean Croise

Keriekitho 48:19

Derei puo puoe mvüta, di sie, “A si balie, a nuo a si ba zolie, puo rei sier seyie puo chütuo; siro puo rei zha zotuo, derei puo siezeu we puo ki zhakuotuo, mu puo nuosenuoyieko krodi seyie kro puo chütuo.”

Keriekitho 48:20

Süla puo sünhie japie unie tsü di sie, “N za se di Israel-e jashütuo, ‘Ukepenuopfü bu n chüpie Efraim mu Manasseh tuoishülie.’ ” Hai di puo Efraim bu Manasseh mhodzü rieta.

Keriekitho 48:22

Siro a thie pie n siezedzürieko ketsü mho a n shiephruo rükrüshüzhie ho. A a zhiecha mu a theü se Amormiako kijü penyükelieu sa pie n tsüshü ho.”

Ezekiel 48:5

Manasseh rie niathutsa nu vo niakratsa ketso pie Efraim tsü, za puote.

Nuolhoutsüphrü 13:7

Isakar yie nunu, Josef nuou Igal;

Nuolhoutsüphrü 26:54

Seyie kekrau bu kayie kralie, mu ketsamia bu kayieu tsa di pie tsütuo: seyie kehoupuorei phrükelieu medzi di kayieu rei pie tsütuo.

Nuolhoutsüphrü 36:12

Ukoe Josef nuou Manasseh nuonuoko ki nyilie di uko kayie bu uko puonuo kayie nu balie.

Joshua 16:4

Sidi Josef yiemia, Efraim mu Manasseh kayie kijü uko ya ngulie.

Joshua 17:15

Joshuae la sie, “No themia kekra bata mu Efraim kijüthou rünau n la mereta ro, no ketsa gei kholie, sidi Perizko mu Refaimko kijüko nu n thuo n la kijü chü kemesalie.”